لجمهور شراها للجامعة والفيفا عقباتها على لغوات في الماتش ديال مالي

أصدر الاتحاد الدولي لكرة القدم "فيفا"، عقوبة مالية ديال حوالي 30 ألف درهم، وانذار شديد للهجة للجامعة الملكية المغربية لكرة القدم، بسبب صافرات ديال الاستهجان ديال الجمهور المغربية على النشيد المالي في الماتش لجمع المغرب مع مالي في نهار لعدي لكبير وربح فيه المغرب بستة أهداف لزيرو.
واعتبرت الفيفا الصفرات ديال الجمهور المغربي في الوقت لكان النشيد المالي كيتعزف أمر غير مقبول، وقلة احترام للفريق الخصم، وقرات أنها تعاقب الجامعة الملكية المغربية لكرة القدم.
وتقدر العقوبة ضاعف في حال عود الجمهور المغربي نفس الأمر في المباراة المقبلة ديال الأسود مع الغابون لغادي تلعب في ملعب مركب محمد الخامس في 7 من أكتوبر الجاري.
وعاقبت الجامعة كذلك المنتخب المالي حتى هو في الماتش ديال روتور، بسبب القنينات والكراسي، لصرب بيهم الجمهور المالي اللاعبين الأمر لقلق أعضاء فيفا، وصدرات عقوبة في حق المنتخب المالي لكيحتل المركز الأخير في المجموعة الثالثة، في الوقت للمغرب كيحتل المركز الثاني بخمس ديال نقاط