ساجد عاد فاق. بعد قالك آ سيدي "يثمن مضامين الخطاب الملكي" وكون طبقوه كون حاكموك على اش درتي فكازا

محمد ساجد، الأمين العام لحزب الاتحاد الدستوري، اللي عطاوه وزارة اكبر بزاف منو ومن حزبو طفات عليه الشمعة يا الله البارح، وأصدر المكتب السياسي ديالو بلاغ تيقول فيه إنه يثمن مضامين الخطاب الملكي السامي بمناسبة افتتاح الدورة الأولى من السنة التشريعية الثانية من الولاية التشريعية العاشرة.
وجاء في البلاغ أن أعضاء المكتب "عمقوا النظر في مضامين الخطاب الملكي السامي على ضوء مستجدات الوضع الاجتماعي والاقتصادي"، شوفو يا الناس قالو ليك راه " عمقوا النظر في مضامين الخطاب الملكي"، يعني بغاول إيقولو قراوه مزيان باش فهموه، وعاد "ثمنوا ما جاء فيه من توجيهات سامية ترمي إلى مضاعفة الجهود للاستجابة للانتظارات الاجتماعية للمواطنين، وإعادة بناء النموذج التنموي المغربي انطلاقا من مقاربة تشاركية تساهم فيها كافة القوى المجتمعية، وإشراك الشباب في الإصلاح التنموي".
وشدد أصحاب ساجد، يضيف البلاغ، "على أن المرحلة القادمة هي مرحلة حاسمة، عنوانها المسؤولية والمحاسبة". هنا عندهم شويا ديال الحق، لكن المحاسبة خاصها تبدا مع ساجد اللي الملفات ديالو عطات من شحال هادي ريحة خانزة.
غير على هادي فين المحاسبة يا السي الفاهيم