خاص. مونديال 2026. كيفاش سميرة سيطايل دارت فوزير الشبيبة والرياضة على قبال “ما شغليش”. هاد السيدة من كوب 22 لمونديال 2026 سوبير حادة صافي

خلال اجتماع نظم بشارع الزرقطوني في الدار البيضاء قبل اسابيع برئاسة مولاي حفيظ العلمي رئيس لجنة ملف ترشيح المغرب لمونديال 2026 وحضره اعضاء اللجنة٬ واكتشفنا ان من ضمن الاعضاء سميرة سيطايل نائبة مدير “دوزيم” المسؤولة عن مديرية الاخبار في القناة.
هاد الاجتماع جا بعد تصريح لوزير الشبيبة والرياضة رشيد الطالبي العلمي لللي كان فنشاط حزبي ففاس وسولوه على المونديال فرد “ماسوقيش”. دارو حقاش اعتقاد ان الامر بصاح ما سوقوش.
باش نفهمو هاد ما سوقيش خاصنا نرجعو شوية للاور. كان الوزير دار ندوة صحافية فالوزارة وعطى اسماء المدن اللي غادي يرشحها المغرب للمونديال وامور اخرى كتهم المونديال ووزارتو. هاد الخرجة ما عجباتش اللجنة المنظمة اللي خبراتو. من بعد السيد بغى يبعد غير هو باش دار هاد التصريح عاود ثاني دارو فيه وفق ما نشرته حينها “المساء” ولكن الغريب ان اللي دارت فيه هي سميرة سيطايل.
سيطايل نائبة مدير قناة فيها مشاكل يعني ما مطفراهش فخدمتها كتعطي الدروس ولمن للحكومة. يقدر يكون جواب الطالبي العلمي ماشي هو هاداك كان يكون اكثر ذكاء من هاداك الجواب الجاف ولكن ماشي سيطايل اللي دور فيه وتقول ليه كيفاش يهدر ويرد. السيد حفى سنانو فالسياسة وتجي وحدة ما عمرها دارتها ووتتكلم بهاديك الطريقة.
العلمي ممكن تنتاقدو ولكن ماشي سيطايل اللي ديرها. العلمي دار خطأ باش ما تلاقاش لجنة الفيفا اللي جات تراقب. كان خاصو يكون ويحضر ويشارك باش يبين باللي الحكومة والدولة المغربية كلها باغية المونديال.