طارو على ثلاثيني طالياني قتل مهاجر مغربي

عطات النيابة العامة بمدينة “ريجّو إيميليا” ، أوامرها بإيقاف ثلاثيني إيطالي ، ثبتات التحريات التورط ديالو فمقتل مهاجر مغربي ، نهار 5 شتنبر الي فات.
بعدما مات المهاجر المهاجر المغربي المدعو ب” يونس أبو الوفا الإدريسي” وكبلغ قيد حياتو 37 عام ، فظروف غامضة ، فاش كان رهن الإعتقال الإحتياطي بمقر “الكربنييري” ببلدة “كوريجّو” بنواحي “ريجّو إيميليا” ، بتهمة مقاومة عناصر الأمن وعرقلة سير مرفق عمومي ، وملي كانو بغاو يديوه للمحكمة، حس المهاجر المغربي بألم كبير استدعى نقلو للسبيطار بمدينة “ريجو إيميليا”، وبعد دقائق قليلة مات فالسبيطار.
وبعد دارو للجثة ديالو التشريح الطبي ، إكتاشفو أنه كلا ضربة قاسحة فراسو وفتحو تحقيق ، وبعد أشهر ديال التحريات كشفو المحققين بالرجوع لتسجيلات كاميرات المراقبة وبالإستماع لبعض الشهود ، إلى أن الضحية كان دابز مع بعض الأشخاص فبلدة “كوريجّو” ، وضربة فية ضربة فيك ، ناض غفلو واحد ببونية لوجهو طيحاتو للأرض ، السبب الي جعل راسو يتخبط بجهد .