تقرير البرلمان على المحروقات. اش فيه؟ وشكون كيربح من هاد التحرير

تقرير مجلس النواب على المحروقات اللي غادي يتقدم اليوم. بعد ان قدمت “كود” في وقت سابق تفاصيل تقرير مجلس النواب حول المحروقات٬ تعيد اليوم اعطاء اهم ما جاء فيه. والمناسبة انه سيعرض اليوم الثلاثاء 15 ماي 2018. التقرير تحدث عن تحرير اسعار النفط. البعض اعتبره ناقصو العمق٬ كما اكد برلماني ل”كود”.
دابا تذكير باللي جا فيه. مما جاء فيه ان سعر النفط في تصاعد وانه منذ 2016 تضاعف ثمن البرميل 3 مرات. كان ف27 دولار وولى 75 دولار للبرميل. اكيد غادي يتزاد حقاش الازمة الامريكية الايرانية غادية تخليه يطلع.
هاد الارتفاع صحاب المحطات كيقولو راه ما طلعش وراهم متصو هاد الارتفاع.
تطرق التقرير للنظام الضريبي وطلبت اللجنة من الدولة مراجعة النظام الضريبي وتنفيذ مقاييس تتعلق بهذه الضريبة أيضا، باش اسعار المحطات تنخفض الأسعار. طبعا الدولة تقدر ترجع هاد الضريبة الوقت اللي ثمن البرميل ينقص.
الدولة وفق التقرير كتحصل 27 مليار درهم من الضرائب سنويا من الموزعين. دابا سعر اللتر يقدر ينقص بدرهم وفق الموزعين الى فرضات الدولة ضرائب أقل لكل لتر، فإن المستهلك المغربي سيستفيد من سعر يقل عن درهم واحد في المحطة ، أي مايعادل 5.5 مليار درهم / سنة.
التقرير تحدث عن الفروق فالسعر واللي كيوصل ل50 سنتيم بين هاد المحطات. هاد الشي كيعني باللي شركات التوزيع 18 ما متافقينش على الثمن. بل صحاب المحطات كيقولو باللي غير قابل للتطبيق اي اتفاق بين هادو
اللي ربح من هاد التحرير وفق التقرير البرلماني هو النظام البنكي. كيفاش؟ البنوك هي اللي استافدات من تحرير المحروقات٬ حقاش حددات سعر الفائدة وفرضاتها على الموزعين باش يمولو استثماراتهم واللي هي طالعة.
هاد الشي كانت محتاجاش الشركات باش تستثمر. النواب طلبواعادة النظر في تمويل شركات التوزيع وتخفيضه. قال التقرير باللي هاد الشي ممكن يؤثر على الاسعار فالمحطات.
فعلاقة بهاد الاستثمار. ذكر التقرير ان الابناك استثمرت 18 مليار دولار. هاديك اللي ترفحات من وراها الابناك. قالت باللي دابا سعة التخزين هي 900.00 طن وان 700.00 طن مشاريع خدامين فيها. وفق التقرير نفسه فان المخزون الامني لتحقيق الامن الطاقي للمغرب خاص مخزون ديال 30 يوم وهاد الشي محتاج ل900.00 طن وان حجم الاستثمار فيه 8 مليار درهم. اي حنا وفق التقرير نفسه عندنا فين نخزنو حاجتنا لشهر.