بالفيديو.. وزير ليبيري حيّح على مسؤولي “لارام” فمطار محمد الخامس واتهمهوم بالتميّيز وها آش قالت الشركة ل”كود”

بكلام شديد اللجهة، هاجم الوزير الليبيري “يوجين فاهنجن” مسؤولي شركة الخطوط الجوّية المغربية بمطار محمد الخامس بالدار البيضاء. المسؤول الحكومي الليبيري نبّه مسؤولي “لارام”، كما ظهر في شريط فيديو، اطلعت عليه “كود”، واتهمهم ب”التمييز”.
الوزير الليبيري اللّي بان محيح بزايد اتهم مسؤولي “لارام” بترك المسافرين ديال بلادو والأفارقة ينامون على أرضية المطار دون توفير غرف نوم لهم، عكس ما قاموا به مع مسافري الولايات المتحدة، الذين وفرت لهم غرفا فندقية، بعدما ألغت الشركة رحلة جوية كانت مبرمجة على الساعة التاسعة صباحا من مطار محمد الخامس إلى نيويورك.
من جهته، نفى مصدر من داخل شركة “لارام”، بشكل مطلق أن تكون الشركة تركت المسافرين الليبريين يقضون الليلة على أرض المطار، مؤكدا بالقول: “وفرنا ليهوم المبيت داخل المطار وبطبيعة الحال معندهومش الحق يمشيو لفندق آخر خارج المطار حقاش معندهوم الفيزا ووخا نبغيو نخرجوهوم البوليس مغاديش يبغيو”.
وزاد المصدر قائلاً: “داك الوزير راه عندو باسبور دبلوماسي وعندو الفيزا وعندو الحق يخرج فين بغا لكن هو بغا يدير شويا ديال السياسة وقاليك غادي يضامن مع ولاد بلادو وبات معاهوم فالفندق ديال المطار لي فيه غرف زوينة ومنعسو لا فأرض لا فوالو”.
وختم المصدر نفسه أن الرحلة انطلقت في ظروف جيدة من مطار العاصمة الليبيرية في الولايات المتحدة الأمريكية، مرورا بمطار محمد الخامس اللّي كان فيه ليسكال.

وزير ليبيري شوه لارام على العنصرية اللي فيها. هاد اش دار ليهم
Publiée par GOUD sur Dimanche 19 août 2018