سكوب. على من كيطنز وكيكذب. وعلاش باغي يلصقها للقصر وهو مولاها. بنعرفة للتقدم والاشتراكية: ماشي انا اللي حيدت كتابة الدولة في الماء

علمت “كود” ان التقدم والاشتراكية وبعد ان علمت بخبر حذف حقيبة وزارية ديالهم ممثلة في شرفات افيلال٬ كاتبة الدولة في الماء لدى وزير التجهيز والنقل٬ اتصل قياديوها برئيس الحكومة٬ لكن هاد الاخير وفق مصدر من الحزب ل”كود” كال ليهم بلا حيا بلا حشمة ماشي انا اللي حيدت وخدفتها وخديت القرار.
دابا هاد رئيس الحكومة من غير انو ما فيدوش ما يستحقش يكون حتى كاتب دولة بعد ما فشل فالخارجية وشوه ولى كيطنز على كلشي حتى الحلفاء. بيان الديوان الملكي واضح. كيقول ان الملك وافق “على اقتراح رئيس الحكومة، بحذف كتابة الدولة المكلفة بالماء لدى وزارة التجهيز والنقل واللوجيستيك والماء، ونقل وإدماج جميع صلاحياتها، ضمن هياكل واختصاصات هذه الوزارة مع العمل على مراجعة هيكلتها التنظيمية”
وبررو للملك هاد القرار كيف ما جا فالديوان الملكي ب”تحسين حكامة الأوراش والمشاريع المتعلقة بالماء، والرفع من نجاعتها وفعاليتها، وتعزيز التناسق والتكامل بين مختلف الأجهزة والمؤسسات المعنية بالماء التابعة لهذه الوزارة، بما ينسجم مع العناية الخاصة التي يوليها جلالة الملك لهذا القطاع”.
طبعا هاد التبرير كذوب حطو وزير التجهيز والنقل عبد القادر عمارة باش يتخلص من مهندسة قارية عليه وفاهمة احسن منو فالقطاع. دابا علاش بنعرفة بغى يطيح الباطل ويمسح فضيحتو باهانة اكثر الاحزاب وقفات مع حزبو وترجلات معاه؟ هو للي غادي يكون عندو الجواب
هاد الازمة السياسية غادية تزيد ضعف حكومة كيقودها واضح ضعيف وغادي بالبلاد للهاوية