اخنوش فتأسيس هيئة تجمعية لمالين الطاكسيات: انتوما عرضة للفقر وخاصكم تتنظمو

اليوم فاكادير اعلن رئيس التجمع الوطني للاحرار عزيز اخنوش تأسيس الهيئة التجمعية لسائقي سيارات الأجرة. حضر لهاد المؤتمر اكثر من 1300 شيفور من كاع مدن المغرب.
اخنوش قال باللي كيعرف مشاكل هاد القطاع. كيعرف معاناتهم مع الروسيطا مع خدمة بلا ضمان اجتماعي بلا تقاعد بلا تغطية صحية واضاف “راه ماشي معقول يبقى هاجس البطالة والخوف من التشرد كيواجه السائق المهني… النهار اللي ميقدرش يخدم يكون عرضة للفقر والحاجة.”
نصائح اخنوش بالشوافرية فتأسيس الهيئة التجمعية لسائقي الطاكسيات
Publiée par GOUD sur Dimanche 30 juin 2019
ودعا مالين الطاكسيات يتنظمو “كنوصيكم بالتنظيم باهمية العمل المؤسساتي” هاد التنظيم وسيلة “باش تخلقو أرضية للنقاش وتكون من عندكم مقترحات نترفاعو عليها”.
تأسيس هاد الهيئة جات بعد ايام من تأسيس هيئة للمهندسين التجمعيين.