معاطية صحيحة بين اليسا وتركي آل شيخ.. هي: غانجي وقت مابغيت وفاش نكون مسالية للسعودية وهو بكل وقاحة: المحبة زيديها فراسك وها علاش عمرنا عيطنا ليك

ناضت في تويتر البارح بين تركي آل الشيخ، رئيس الهيئة العامة للترفيه في السعودية والفنانة اللبنانية الشهيرة إليسا بعد تغريدة فان ديال اليسا بغاها تكون حاضرة في السعودية.
المتابع حط تويت طاكا فيه ال شيخ واليسا وقال فيه “أميرة الإحساس خاص تجيبوها للرياض غادي تنوضها”، هي جاوباتو “ملي تبغي تشوفني في شي حفلة موسيقية، غادي نكون الا كان الوقت مناسب ليا، ومخاصكش تطلب هادشي من حتى واحد، حيت انا في المكان لي كنستحق نكون فيه”.
When you want to see me in concert, it will happen if the time is right. You don't have to ask anyone for it because I am where I deserve to be https://t.co/lAwgfRFjIp
— Elissa (@elissakh) September 24, 2019
تركي آل الشيخ متعطلش وردو كان قاصح ومكلخ وقليل الاداب وكتب ليها “داكشي علاش نيت ماعيطناش ليك”، وجاوباتو: “أشكرك معالي المستشار… ماشي مشكلتي إذا ما تم فهم كلامي بطريقة مغايرة… لكن ماكينش لي يغير محبتي للسعوديين”.
أكّن كل محبة وتقدير للمملكة العربية السعودية ولشعبها والوقت الذي ترونه مناسبا لوجودي بينكم سأفعل بكل محبة❤.
— Elissa (@elissakh) September 25, 2019
ورد رئيس الهيئة العامة للترفيه في السعودية، “محبتك كاعما محتاجينها، زيديها في راسك.. ولا شكر على واجب”.
هاد المعاطية جات لتركي ال شيخ اكثر حيت اليسا بقات كلاص وهو عايرها بطريقة دون المستوى.