بوليس الإمارات قرقبو على المغربية مريم حسين فقضية “هتك عرض” الرابور الميريكاني “تايكَة” -فيديو

داكشي لي كان باغي الاماراتي صالح الجسمي خو المغني حسين الجسمي وصل ليه. البوليس في دبي قرقبو على الممثلة المغربية مريم حسين لي غادي دوز شهر ديال الحبس ومن بعد خاصها تخوي الامارات بمرة، بعدما رفع عليها دعوى بتهمة هتك عرض الرابور المريكاني تايكَا ملي شطحات معاه في عيد ميلادها هادي 3 سنين.
قضي الأمر ، #مريم_حسين في عهدة الادارة العامة للمؤسسات الإصلاحية والعقابية بدبي لتنفيذ الحكم الصادر بحقها، شكراً #شرطة_دبي @DubaiPoliceHQ pic.twitter.com/FmQhnLYDrO
— Saleh Aljasmi|صالح الجسمي (@SalehJasmi) January 31, 2020
ودار الجسمي فيديو كيقول فيه “مريم حسين في عهدة الإدارة العامة للمؤسسات الإصلاحية والعقابية بدبي، لتنفيذ الحكم الصادر بحقها.. شكرًا شرطة دبي”.
وكانت حرب كلامية كبيرة ناضت بين هاد الجوج وقال الجسمي البارح في فيديو حطو في تويتر أنه مكانش كيتمنى الأمور توصل لهاد الدرجة لكن هادي هي النتيجة. وأكد أنه مبقاش غادي يدوي في الموضوع بشكل قطعي وأي اجراء غادي يكون فهو قانوني.