عدد الإصابات رجع يرتفع من جديد، حيت علنات وزارة الصحة على تسجيل 534 إصابة بفيروس كورونا المستجد فهذ 24 ساعة الأخيرة، وهكذا وصل المجموع ل13822. وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن هذ الإصابات الجديدة كتتوزع جهويا على الشكل التالي: مراكش 266، فاسمكناس 93، جهة الدارالبيضاءسطات 59، طنجةتطوانالحسيمة 55، العيون الساقية الحمرا 34، الرباطسلاالقنيطرة 9، بني ملالخنيفرة 7 حالات، الجهة الشرقية 7، جهة كَلميم وادنون 3، وجهة الداخلة واد الذهب حالة وحدة. وسبب ارتفاع الإصابات اليوم ناتج عن بؤرة معمل تصبير السردين فآسفي اللي سجلات بوحدها 253 حالة. وتشافاو اليوم 169 واحد، ووصل المجموع ل9329، بنسبة تعافي د67,5 فالمية. وتسجلات 2 وفيات جديدة، ووصل الطوطال ل232 وفاة، أي بنسبة إماتة د1,7 فالمية. وارتفع عدد المصابين اللي مازال كيتعالجو ل4261، 18 منهم فحالة حرجة، كلهم بسبب السن المتقدم أو الأمراض المزمنة أو بجوج. بالنسبة لعملية تتبع المخالطين، تم اكتشاف لحد الآن 69961 مخالط، منهم 13630 مازالين تحت المراقبة. بالنسبة للتقسيم ديال الحالات النشيطة حسب الفئات العمرية، كتمثل الفئة من 25 حتى ل40 عام الفئة الأكثر إصابة، بنسبة 47,4 فالمية، بعدها الفئة ما بين 41 و64 عام ب26,7 فالمية، ثم فئة ما بين 15 و24 عام ب13,8 فالمية، ثم فئة كبار السن من 65 لفوق ب6,2 فالمية، وبعدها فئة الأطفال حتى ل14 العام ب5,6 فالمية، والأقل من 5 سنين كيشكلو 1 فالمية. و55 فالمية من المصابين اناث، بينما الذكور كيشكلو 45 فالمية. ووصل مجموع الحالات المستبعدة ل734627 بعد ما خرجات تحاليلهم سلبية. وهذا التوزيع الجغرافي للإصابات بالنسبة المئوية:
