الطبيب حمضي: التعليم فالمدارس هو الحل حيت الإصابات بكورونا فصفوف التلاميذ قليلة وصعيب يبانو بؤر.. وخاص المؤسسات التعليمية توفر شروط الوقاية والنظافة والتباعد والمنظومة الصحية تراقب

أكد الطيب حمضي، الطبيب والباحث في السياسات والنظم الصحية، ورئيس نقابة الطب العام، أن التعليم الحضوري هو الأساس حتى بالنسبة للدول اللي دارت تعليم عن بعد مزيان، وأن التعليم عن بعد هو الحل فقط فاش كيتعذر تماما التعليم الحضوري.
واعتبر حمضي، فمقالة أخيرة ليه، أن القرار اللي تاخذاتو الوزارة خاص يعتمد مجموعة من العناصر قبل إصدارو، واللي هي أن التعليم الحضوري أولوية، واستحضار الحالة الوبائية لمنع تفشي فيروك كورونا بين التلاميذ ومدى نقله إلى الأسر، والإمكانيات المتوفرة لحماية الأسر والتلاميذ.
ومن المعلوم، حسب حمضي، ان الأطفال دون سن 18 مكياصابوش بزاف بكورونا، حيت كيشكلو غير 5 فالمية من مجموع الإصابات، وحتى اللي تصابو ماكتظهرش عليهم الأعراض أو كتكون عندهم أعراض بسيطة، وهذشي كيصعب تشخيص إصابتهم، ونادرا ما كيموتو بالفيروس.
وبالنسبة لانتشار العدوى من التلاميذ للآباء، قال أنه مازال مامعرف ش درجتها، بحيث أظهرت دراسات فكوريا الجنوبية أن الأطفال بين 10 حتى ل19 كينقلو العدوى بحال الكبار، لكن دراسات أخرى شافت بللي نسبة إصابة المراهقين كتتحدد ف38 فالمية، وأساذتهم 43 فالمية، لكن واليديهم وخوتهم كتتراوح بين 10 و11 فالمية، وبالتالي فالعدوى ليهم هنا مامنقولاش.
وكحلول اقترحها حمضي، خاص المدرسة المغربيو توفر شروط الوقاية داخل المدارس، والأسر توفر شروط الحماية خلال حمل أطفالهم للمدارس، وعدم السماح للأطفال المرضى بالتوجه للفصول الدراسية، كيف خاص المنظومة الصحية تراقب باش تدير رد فعل فالوقت المناسب.
ومن الحلول كذلك: توفير تمدرس حضوري مع احتياطات بالنسبة للأطفال أقل من 12 سنة، وتمدرس تناوبي واختياري بالنسبة للثانوي، وتعليم اختياري وفي حدود دنيا حضوري بالنسبة للتعليم العالي.
وكيخص، حسب حمضي، تأجيل الدخول بأسبوع على الأقل للاستفادة من تجارب دول أخرى، وعند الدخول تهوية الفصول طيلة اليوم وجميع الأماكن المغلقة، وإلزامية الكمامات على الأطفال اللي عندهم اكثر من 11، وتنظيف اليدين عدة مرات داخل المدرسة، وضع الأساتذة للكمامات أو حواجز شفافة بين التلاميذ، وضع مسارات موجهة داخل المدارس، واعتماد ساعات دخول وخروج مختلفة ووجود أبواب متعددة، والنقل المدرسي يهز حمولة مخففة.