علنات وزارة الصحة، اليوم الثلاثاء، على إصابة 2900 واحد بفيروس كورونا المستجد، هو عدد قليل إيه لكن حتى العدد ديال التحاليل اليوم كان قليل بزاف، بحيث عوض ماتدير الوزارة 20 حتى ل25 ألف تحليلة بحال قبل، اليوم دارت غير 17046، ولبارح غير 11 لألف. المغرب عزز من قابلتو لإجراء التحاليل، وشركات وزارة الصحة مجموعة من الكختبرات فالقطاع الخاص، وولينا كانديرو التحاليل أونتي جين، ورغم ذلك المعدل ديالها قلال بزاف هذ الأيام. باش تلقى تفسير مقنع لهذشي، حاولات "كود" تتواصل مع مسؤولين فالوزارة، لبارح واليوم، ومنهم المكلف بالتواصل مع الصحافة، وحتى واحد ما كيجاوب. والإجمالي ديال الحالات اليوم وصل ل384088، ووصل مؤشر الإصابة التراكمي ل1057,7 لكل 100 ألف نسمة، بمعدل 8 لكل 100 ألف نسمة فهذ 24 ساعة. وماتو اليوم 50 مغربي بالفيروس، وبلغ الإجمالي 6370، بنسبة فتك ديال 1,7 فالمية. وتشافاو اليوم 3450 شخص، ووصل الإجمالي ل337719، بنسبة تعافي ديال 87,9 فالمية. ووصل عدد الحالات النشيطة ل39999، وعدد الحالات الحرجة تحددو ف961 حالة، ومهم 139 تدهورات حالتهم غير هذ النهار، و76 تحت التنفس الاصطناعي الاختراقي. واليوم تستبعدات 14146 حالة، ووصل مجموع الحالات السلبية ل3719394. وكتتوزع الإصابات والوفيات الجديدة على الجهات والأقاليم كما يلي: وهذا المنحنى الوبائي اليومي: وهذا مؤشر الإصابة الأسبوعي لكل 100 الف نسمة حسب الأقاليم فالأسبوع ما بين 30 نونبر حتى ل6دجنبر 2020:
