شكون اللي عند افتاتي اهم واش مغربية الصحرا ولا فلسطين؟ ها ردو ل"كود"

كود" سولات عبد العزيز افتاتي عضو الامانة العامة لحزب العدالة والتنمية على شكون اللي عندو اهم واش الصحرا تكون مغربية ولا فلسطين. القيادي الاسلامي اللي حزبهم كيسير الحكومة قال ل"كود" ان هاد القضية "ما مطروحاش" واضاف ل"كود" "فالصحرا عندنا المشروعية. حقنا تابث. وشدد فتصريحو ل"كود" ان "الانوار لا تتزاحم" في اشارة الى قضتي الصحرا وفلسطين وانو يجب الجمع بين الحسننين. هاد لشي يجي حسب القيادي "بالمشروعية والنزاهة والاستقامة"
بخصوص تضمن البيان المشترك اللي وقعو المغرب واسرائيل وامريكا وفيه عودة لعلاقات مع اسرائيل والتذكير فموقف المغرب من القضية الفلسطينية عبر دعم دولتين وجعل القدس عاصمة لفلسطين قال افتاتي ل"كود"انا داعم للمقاومة لا يمكن ان احل محلهم" وانو من المغاربة اللي كيساندوهم من الارض الى البحر"
"كود" سألته ان هاد الشي حتى "حماس" ما بقاتش تأمن بيه وباللي هي مع دولتين٬ رد افتاتي "ابدا هي مع تحرير كل نقطة منها تنطلق لتحقيق من الارض الى البحر"
وفي سؤال ل"كود" ما اذا كان افتاتي حالم باش هاد الشي كولو يتحلق قال "يمكن ان احلم بنهاية الكيان الصهيوني" وباللي يفضل يكون "اكبر الحالمين" حالم ب"زوال الاحتلال"