باش ما يتشدش فالحبس. ملك الصبليون خلص 4 مليون اورو للضرائب

ملك اسبانيا الفخري خوان كارلوس تزگل من المحالكمة٬ فقد سوى وضعيتو مع الضرائب فبلادو. هاد الشي طلع عليه ب4 مليون اورو خلصها لمصالح الضرائب وفق ما اعلنته جريدة "الباييس" الاسبانية. هاد التسوية غادية تسقط عليه الملاحقة القضائية بتهمة الاحتيال الضريبي. الملك الفخري كان عندو 8 ملايين اورو مداخيل ولكن ما صرحتش بها فاجالها.
التضرب الضريبي جريمة كبيرة ولكن القانون كيسمح تسوي الوضعية ديالك وتخلص مزيان وتسقط عليك الملاحقة القضائية.
خوان كارلوس اللي سوى الوضعية ديالو عايش من غشت ديال العام اللي فات فالامارات العربية المتحدة. كان ختار المنفى بعد الصداع اللي ناض عليه وتصريحات عشيقتو السابقة وحديثها على سرقتو لملايير.
وكان خوان كارلوس خلص فشتنبر 687393 يورو للخزينة كان عليه دين ضريبي ما بين 2016 و2018

هاد القضية غادية تزيد تخسر صورة الملكية فالجارة الشمالية.