الزلزال مدمر تابعو زلازل اخرى غادية تضرب والي طنجة وبعض العمال وواصلة للمنتخبين فجهة الحسيمة وما غادية تزگل حد. بزز من لفتيت خاصو يطير الريوس اللي لعبات دور سلبي فحراك الريف

البارح فبيان الديوان الملكي اعطى الملك محمد السادس تعليماته لوزير الداخلية "قصد القيام بالتحريات اللازمة على الصعيد الوطني، بشأن المسؤولين التابعين لوزارة الداخلية بالإدارة الترابية على مختلف درجاتهم. كما وجه جلالته الرئيس الأول للمجلس الأعلى للحسابات، للانكباب على دراسة وتقييم عمل المجالس الجهوية للاستثمار". هاد الشي كيعني ان زلازل اخرى جاية وماشي غير فجهة تطوان طنجة الحسيمة. وهاد الشي واضح فبيان الديوان الملكي "وتجدر الإشارة إلى أن هذه القرارات الملكية تندرج في إطار سياسة جديدة، لا تقتصر على منطقة الحسيمة فقط، وإنما تشمل جميع مناطق المغرب، وتهم كل المسؤولين على اختلاف مستوياتهم، في نطاق إعمال مبدأ ربط المسؤولية بالمحاسبة، وتحفيز المبادرات البناءة، وإشاعة قيم الوطنية الحقة والمواطنة الملتزمة بخدمة الصالح العام"،
نبقاو فجهة الحسيمة. دابا الملك عطى تعليماته من وزير الداخلية وخاص لفتيت يحاسب والي الجهة اليعقوبي والعمال والمنتخبين وديال الاستثمار ومن بعد المنتخبين كيف كينص القانون التنظيمي وينفد فكل واحد قصر مسطرة العفو. هاد الشي يقدر يشمل رئيس الجهة ورؤساء الجماعات والمجالس الاقليمية ايلى تبث بالفعل عندهم تقصير. تقرير المجلس الاعلى للحسابات اللي قدمو ادريس جطو حول "منارة المتوسط" البارح امام الملك كيبين باللي كان هناك تقصير.
الكورة عند لفتيت واش يقدر يدير هاد الشي ولا غادي يخاف ويضرب هاد الزلزال اللي دارو الملك فزيرو