متظلم من مباريات الخارجية كيرد على بوريطة بخصوص توظيف ولاد العاصمة: مساطر انتقاء المترشحين ف الخارجية يفترض فيها تكون عامة ماشي مزاجية ومستعد للتحقيق اذا فتحاتو الوزارة

بعدما توصلت "كود" بتوضيح من مديرة تواصل د الخارجية ردا على شكاية لأحد المترشحين لمباراة فوزارة الخارجية ، هاد المترشح ضمن المستبعدين ف الانتقاء الاولي, رد على الخارجية عبر "كود".
المتظلم رد على توضيحات بوريطة بالقول ل"كود": "اولا كنسائي سعيد باش نقرا لمرأة ف مهمة تواصل عمومي و ان كنت انتظر من مؤسسة الموارد البشرية ف اطار أبجدية توازي الصيغ و أعراف الادارة نلقا شي تفاعل سلبي او ايجابي عبر المايل و القنوات النظامية و هو لي ماتمش للاسف.الحصول السيدة المديرة مادام اخترتم التواصل السياسي ف القضية من خلال هاد الموقع المحترم كود,اسمحوا لي نقول ليكم ان "انطباع التمثيل" لي هضرت عليه ماشي هضرة خاوية, بل استنتاج مسنود ب جواب السيدة "رئيسة مصلحة التدبير التوقعي للموارد البشرية" عندكم ف يناير 2019, لي قالت لي تبعا لطعن شفهي لي ف النتائج وطلب الاطلاع على ورقة الامتحان, راه أ السي فلان ماشي ماجوبتيش على سؤال آليات التمكين السياسي للمرأة و إنما, "خصك تعرف من بين المترشحين , موظفين من الوزارة ف گراد كتاب الشؤون الخارجية كيدوزو معاكم, و كنعطيوهوم الاولوية ف الكونكور" .
واضاف :"هنا كنتحمل كل المسؤولية و الا بغيتو تا سمية د المسؤولة و لا جا شي أمر من سي بوريطة ب شي تحقيق و لا تحري انا رهن اشارة لجانكم.ف هاد الجواب السيدة المديرة المحترمة نسولكوم واش تقدرو تأكدو حضور مبدأ تساوي الفرص و الحظوظ وما مدى قانونية اعلان مبارة خارجية سمحتو فيها حسب المسؤولة بان تكون ايضا ترقية مهنية داخلية لموظفين على حساب حظوظ مرشحين خارجيين? ثم استادة بغيتكم تنوروني كيفاش وقعات لدليل مساطر التوظيف الا كاين عندكوم طبعا, كيفاش دوز صاحب بروفايل ف 2018 و عطيتوه ضمنا صفة مؤهل و ف 2021 نفس "سي في" ولا غير مؤهل? غير الا خدامين بقانون كيعترف بأشياء اخرى من غير الموضوعية و العمومية" .
و زاد ف جوابو التأكيدي للتظلم الداخلي ديالو" وخا فضلت ان هاد الحيثيات تبسط داخليا مع الادارة و ان كان نقاش كود يكتسي اهمية كنقاش حول المصلحة العامة: "لي امكن لي نقول كثر هو ان السيدة المديرة غتتفق معايا أننا ف دولة مؤسسات و الدستور و قانون الوظيفة العمومية وضع رهن اشارة المواطنين المستبعدين و لي مزالين كيساينو اتصال السيدة لي طلبات منهم اخليو نمرتهم, عندهوم حق التظلم الرئاسي, و عندهوم حق التظلم الدستوري لمؤسسة الوسيط في حالة الصمت السلبي للوزارة على التظلمات الودية".
كود ورا هادشي تمعنات كثر ف مزاعم النجاح ف شفوي و الانتقاء الاولي قبل ف 2018, و حيت وزارة الوظيفة ماقدراتش تمكنا من لائحة الشفوي, حيت قالو لينا ماتوسلاتش بها و ماتنشرات فعلا ف موقع التوظيف العمومي, لكن تأكدت كود من مصادرها المطلعة على بأن المعلومة صحيحة، كما حصلنا على نسخ للاستدعاء لي صيفطات الوزارة ف اكتوبر 2018 , و لي أكد لينا المعني صحتها بعد رجوعه لأرشيفو الشخصي.
وكانت "كود توصلت بتوضيح من الخارجية جا فيه :"أن الوزارة قد اعتمدت هذه السنة، بخصوص المباريات التي تنظمها، الايداع الإلكتروني لطلبات الترشيح لمختلف المباريات المبرمجة، حيث كان يتعين على كل مترشح إيداع ملف طلبه كاملا للوثائق التي يجب عيله الإدلاء بها، لقبول ملفه".
وأكدت الخارجية أن المعني بالأمر (صاحب شكاية ضد الوزارة) لم يدلي بالترخيص من طرف إدارته قصد المشاركة في المباراة و هو شرط وفق ما تم تحديده بالاعلان الخاص بها (الوثيقة المدلى بها تعود لسنة 2019 و لا تمت بصلة بهذه المباراة المعلن عنها شهر دجنبر 2020).
وحسب نفس المصدر فإن ملف المعني بالأمر غير كامل وتنقصه نسخة من بطاقة التعريف الوطنية، وهي وثيقة مكونة لملف الترشيح و ضرورية للتأكد.