بنت عمرو دياب كشفات المرض اللي كتعاني منو وطلبات من الناس بحالها يكونو قويين – تدوينة

كشفات جنى دياب ، بنت المغني المصري عمرو دياب ، أنها كتعاني من اضطراب الحركة بزاف وقلة التركيز (ADHD)، وطلبات من متابعيها، اللي عندهم نفس المشكل، باش مايستسلموش ويحافظو على الثقة في راسهم.
ونشرات جنى الميساج ديالها في بوسط على "أنستكَرام" وكتبات "أنا جنى دياب، بديت قرايتي في مدرسة Queens Gate ملي كانت عندي 8 سنين، ولكن للأسف خرجت منها فاش ولات عندي 12 لعام بعدما لقاو الأطباء أنه عندي نقص في التركيز وبزاف الحركة".
بنت المغني قالت أنها عانات بزاف من المرض ديالها خصوصا ف القرايا بلا ماننساو الهضرة ديال الناس.. وكان عندها مشكل كبير باش تركز في الدروس وماكانتش كاتدير الأمور اللي خاصها بالطريقة اللي مطلوبة.
https://www.instagram.com/janadiab_/?utm_source=ig_embed&ig_rid=3f000dea-9801-4982-98f4-dea753e3cf16