الريسوني كمل 50 يوم ديال الإضراب على الماكلة.. ولجان التضامن معاه ومع الراضي غادي يديرو وقفة قدام عكاشة

اليوم الصحافي المعتقل، سليمان الريسوني، كمل 50 يوم ديال الإضراب على الماكلة.
وبهذ المناسبة، غينظمو اللجنة المحلية بالدار البيضاء من أجل حرية عمر الراضي وكافة معتقلي الرأي وحرية التعبير وهيئة مساندة الريسوني والراضي ومنجب، وقفة غدا الخميس 27 ماي قدام السجن المحلي عين السبع 1 "عكاشة".
ومن خلال الوقفة، بغاو يعبرو المتضامنين على تخوفهم على ثحة سليمان اللي ولات فخطر، وكذلك غيطالبو من خلالها بإطلاق سراح كَاع الصحافيين المعتقلين "تعسفيا"
والوقفة غتكون تحت شعار: "لا لقمع الأصوات الحرة وأشكال التعبير الرافضة للظلم والمطالبة بالديمقراطية".
ويتابع الصحافي ريسوني بتهمة الاحتجاز وهتك العرض بالعنف، بينما عمر الراضي متابع بتهم المس بسلامة الدولة والاغتصاب، وهي التهم اللي كينفيوها بجوج، وكيعتبروها المتضامنين معهم "ملفقة".