حكيمي ساوي فلوس صحيحة.. باريس سان جيرمان باغي يزيد الفلوس باش يتعاقد معاه وتشيلسي مازال كتفاوض والأنتر طالب فيه 80 مليون أورو

الدولي المغربي أشرف حكيمي كايسوا فلوس صحيحة ف أوروبا.
فقد كشفت وسائل إعلام أن نادي باريس سان جيرمان بغا يزيد من قيمة العرض ديالو هاد الصيف للتعاقد مع نجم أنتر ميلانو.
وأفادت تقارير إعلامية أن الفريق الفرنسي زاد من العرض ديالو باش يتعاقد مع حكيمي ل70 مليون أورو. و فالمقابل الأنتر باغي أكثر، وكايطلب 80 مليون أورو، لكنه يبدو مستعدا لقبول عرض باريس سان جيرمان الأخير، حسب ذات التقارير.
ومن جهة أخرى، قالت جريدة "صن" البريطانية أن أشرف حكيمي قد يكون وافق مبدئيا على الإنتقال إلى تشيلسي هاد الصيف، و مصادر أخرى إيطالية أشارت إلى أنه جرى اتفاق بين وكيل اللاعب المغربي و إدارة الفريق الإنكَليزي على بنود العقد اللي ممكن يوقعو حكيمي عند انتقاله من الإنتر.
وأوضحت ذات المصادر أن إدارة تشيلسي ماجابتش شي عرض جديد للتعاقد مع حكيمي، إلا أن أنتر ميلانو فايت حدد المطالب ديالو في مبلغ بقيمة 80 مليون أورو، أو أنهم يعطيوهم المدافع الإسباني، ماركوس ألونسو، من تشيلسي، زائد مبلغ 50 مليون أورو مقابل بيع نجمه المغربي.