بريتني سبيرز: فهاد السنوات كذبت على جمهوري وبينت ان حياتي مزيانة.. سمحولي بزاف وبغيت حريتي ونعيش حياتي كيف بغيت – تدوينة

وجهات المغنية الميريكانية، بريتني سبيرز، اليوم الجمعة، اعتذار للناس اللي كايبغيوها بعدما كذبات وقالت أن أحوالها بيخير وعلى خير خلال هاد العامين اللي دازو.
وكتبات بريتني في بوسط على الانستكَرام :"سمحو ليا لأنني بهاد العامين بقيت كانقول ليكم أنني بيخير، واخا أنا ماشي هي هاديك.. كذبت لأن الكبرياء ديالي ماسمحش ليا نقول داكشي اللي واقع".
وأكدات المغنية أن حياتها ماشي مثالية وكيف الجميع كادوز من صعوبات اللي مرة تنقزها مرة تغلبها.
ومنوضة بريتني حملة كبيرة ضد الوصاية اللي مفروضة عليها من طرف المحكمة، بعدما ولا باها في 13 عام الأخيرة مسؤول على كلشي اللي متعلق بحياتها.
وقالت:"بغيت حياتي ترجع ليا. عندي 39 عام، بغيت نزيد نولد ومانبقاش نشرب دوا الأمراض النفسية".
View this post on Instagram
A post shared by Britney Spears (@britneyspears)