باغيين يورطو بيدرو سانشيث.. الحزب الشعبي الإسباني لأرانتشا لايا: شكون عطاك الأوامر من قصر مونكلوا للسماح بدخول "غالي"؟

قالت وكالة "أوروبا بريس"، أن نائب السكرتير العام للحزب الشعبي الإسباني، أنطونيو كَونثاليث، طلب من وزيرة الخارجية السابقة أرانتشا كَونثاليث لايا أنها تعتارف بشكون عطاها الأوامر للسماح بدخول زعيم البوليساريو، ابراهيم غالي، بطريقة غير قانونية لإسبانيا.
أنطونيو اللي كان فمعرض ديال الفلاحة قال مايمكنش التضحية بالوزيرة وهي نفذات غير الأوامر.
فذات السياق كيحاول المدعي العام فقضية دخول "غالي" بشكل غير قانوني لإسبانيا، منع وصول محامي الطرف المشتكي للمعلومات فهاد القضية، وطلب من القاضي أنه يفصل الشكاية على القضية ويوقف دفاع المشتكي لسببين، أولهما أن محامي المشتكي كيسرب المعلومات للصحافة وهادشي ضد واجب التحفظ، وثانيهما أن القضية رسمية.
القاضي رفض هاد الطلبات وقال بللي المشتكين والمحامي ديالهوم حطو شكاية قانونية وغايبقاو فالمحاكمة حتى للنهاية.
https://www.europapress.es/aragon/noticia-pp-pide-gonzalez-laya-confiese-quien-le-dio-orden-autorizar-entrada-ghali-espana-20210923114430.html
https://www.elconfidencial.com/espana/2021-09-23/caso-ghali-rechaza-peticion-apartar-acusacion-denunciantes_3294561/