خرج عليها إشهار.. مانكان معروفة شربات سيرو باش تطيح الشحمة وديفورمات

كشفات أشهر مانكان كندية، أن الجسم ديالها تشوه بعدما شربات دوا شافتو فالتلفزة واللي خلا ليها آثار جانبية خايبة شوهات ليها لحمها.
ليندا إيفانجليستا (Linda Evangelista) قالت أنها كانت كتعاني من الشحمة فبلايص ما بغاتش تطيح منهم، وحاولات أنها تحيدها ببزاف ديال الطرق ولكن فشلات، ومللي شافت إشهار فالتلفزة دار ليها الإغراء وحسات بيه بحال إيلا كيهضر عليها، فقررات أنها تشربو.
والنتيجة حسب المتحدثة اللي صرحات لمجلة "فوك" أن الجسد ديال ديفورما، شي داخل وشي خارج، و"مصدر لقمة العيش ديالها ولى مهدد وحالتو خايبة".
ومع هادشي كامل قالت المانكان أنها ماكتعاني من حتى آثار نفسية بسباب الشكل اللي ولات فيه، ولكن ما غاديش تبقى قادرة دير الإشهارات اللي باغية كاملين.