بغاوو يحرفوها.. المسؤول الجزايري المكلف بنزاع الصحرا: تصريحات المسؤول الأوروبي مزيانة وفصالح البوليساريو. بوريل: حنا ما كندخلوش فالسياسيات الخارجية للدول

تعليقا على تصريح المسؤول الأوروبي، قال عمار بلاني او مايسمى ب"المبعوث الجزائري الخاص المكلّف بملف الصحراء و دول المغرب العربي"، (قال) لقد استعمل جوزيف بوريل٬ الممثل السامي للاتحاد الأوروبي للشؤون الخارجية٬ مصطلحات حاسمة كعبارة الشعب الصحراوي وتقرير المصير".
المسؤول الجزائري بغى يلعب على تصريحات المسؤول الأوروبي ويترجمها لصالح البوليساريو ونظام العسكر، بقوله أنها مصطلحات إيجابية من الاتحاد الاوروبي وفصالح البوليساريو ويجب الوقوف عندها وخاص الصحراويين يقرروا مصيرهم بنفسهم، ونسى بلي الجزاير متحكمة فدواليب القيادة بالرابوني.
ولكن اش قال بوريل؟ بوريل كان ضيف على "الساعة" على "الاولى" الاسبانية البارح الثلاث 23 غشت 2022. سولاتو مقدمة البرنامج الصباحي على خطاب الملك محمد السادس ل20 غشت وعلى دعم الاتحاد للموقف الاسباني؟ فرد عليها باللي الاتحاد الاوربي ما كيدخلش فالسياسة الخارجية للدول الاعضاء. هاد الديبلوماسي اللي كان وزير خارجية اسبانيا مع هاد الحكومة٬ اكد باللي الاتحاد مع الشرعية الدولية وقرارات الامم المتحدة وحل ياخد بعين الاعتبار الشعب الصحراوي.
يعني ما دعم ما مشى مع هاد الخط ما دافع على هاد التوجه لسبب بسيط انو ما عندو حتى دور فالسياسة الخارجية لكل دولة من دول الاتحاد الاوربي وباللي دورو شكلي بزاف. كيقولو ليه الاعضاء اش يقول واش من قرار ياخد