هاد النظام الجزايري مسالي. مسؤول ف الجمارك: منعنا كتب فيها خريطة المغرب كاملة -فيديو

قال رئيس رئيس مفتشية أقسام الجمارك ف واحد البلاصة ف الجزاير المسمى بوزيد دحية، أف حوار مع قناة النهار انه اطار العمل اللي دارت الجمارك بمناسبة المعرض الدولي للكتاب سحبات كتب شيعية و انه ايضا تم منع كتب ممنوعة حيث فيها حريطة المغرب كاملة .
وقال ان مبدأ المعاملة بالمثل هو اللي فرض هادشي ..
هادشي غريب بزاف و كايبين بالفعل تورط الجزائر ف هاد القضية وخا هي كتنكر كل مرة انها طرف فيها، بحيث ان جميع بلدان العالم اما كتدير خريطة المغرب كاملة او بخط متقطع زعما منطقة متنازع عليها الا الجزائر فهي كتمنع حتى الكتب اللي فيها الخريطة الاولى ولا تقبل الا الخرائط اللي فيها خط متصل يعني ماشادة حتى الحياد..
تعليقات الجزائرين على صفحة الفايسبوك الخاصة بالنهار جاء فيها مثلا: فلوس اليتامى كتديها هاد قضية الصحراء.. / واحنا اش دخلنا فيهم ../ توجد في المغرب ولاتوجد في اسبانيا وش اللي همك انت تحبو تحميل أنفسكم أشياء لاتعنيكم
للاشارة ف النظام الجزائري مند السبعينات كايصرف الملايين على قيادة البوليساريو و ديورهم ف مدينة تندوف في حين اللاجئين مليوحين ف المخيمات ف الصحراء ضواحي تندوف عايشين بلا ضو ولا ما ولا كرامة ، و و الملايين ايضا على تمثيلياتهم ف الخارج و المليشيات ديالهم و العتاد ديالها و سفرياتهم و كايحط فلوس صحيحة على الدعاية ديالهم و ملايين الدولارات لشراء شركات اللوبييغ ف امريكا و لدى الاتحاد الاوروبي و تدريس الطلبة وهادشي كلوكايستغل فيه الغاز و البترول اللي كايخلي الجزاير تكون دولة بحال الامارات لو بغاو المسيرين ديالها ولكن للاسف البنية التحتية والو و الفقر المدقع و البطالة و الجزايرين تاهما كايحركو ولا يطلعو للجبل للارهاب.
رابط صفحة النهار