منتوجات من البيت لشعر رائع بالصور

تجديد الشعر+ترطيب+تطويل+تقوية+شامبوا بيتي+زيوت
السلام عليك اخواتي اليوم قلت ندير ليكم ملف خاص بالشعر او كلشي مجرب بالطبع او من مطبخي
استغليت عدم تواجد مولى داري فهاد اليلة هههههه او جيت نعمم الفائدة
بعد هادشي متقوليش لي شعري خايب مستحيييييييل غتشوفي شعر رائع او غزال يالله تبعوني
اولا نبداو بتجديد الشعر ماسك لشعر يجدد الشعر او يقويه او يطولوااااا او يحارب القشرة تيخليه غزال هو عشبة هي عشبة الصبار لي تتستغلها شركات كبيرة
او تتنتج بيها منتجات الشعر او البشرة او التجاعيد او تجديد خلايا البشرة شنوا بان ليكم زعمة حنا ماعرفينش الصبار لي نتسناو نشريه بالغلى المهم غتجيبي الصبار ها الشكل متاعوا
كنقطع القياس لي بغيت فحال هاكا
كنجيبوا او نقطعوا او نطحنوا فالمولينيكس مع شوية دالماء او زيت العود
تنحطوا فالثلاجة لحين نبغيه تناخد القياس لي يقدني لشعري او نزيد معاه شوية تزعتر مطحون او الزبدة الرومية او ندير بيه ماسك لشعر كامل هذا الماسك يستعمل مرة فالاسبوع فقط لكن منقولكمش كيف كيولي الشعر تحسوا بيه شعر جارتك ماشي شعرك
ههههههه
بقاو معايا
الزيوت
رجعت اخواتي باش نكمل ليكم الان مع الزيوت
غنقادوا الزيوت فالبيت او نتيجتها رائعة للشعر
كذلك ترطيب او تقوية او تطويل خليكم معايا
زيت الخزامة
درهم تلخزامة كافي غنجيبوها نقيوها او نطحنوها او نوضعوها فشي طنجرة صغيرة مع كاس ماء او كاس زيت نخليوها حتى تغلي او نقصوا عليها العافية تبقى تغلي حتى تبقى لينا غير الزيت متاعنا لي غيولي لونها اخضر او غنصفيوها او نحتفضو بيها فشي قرعة راه كيتباعوا معقمين او لا قريعات تيتباعوا فالصيدلية كذلك
زيت الزنجلان
درهم كذلك كافي نقيوه او نطحنوه او نفس الطريقة لي عملنا مع الخزامة كاس زيت او كاس ماء او نخليوه ايطيب
حتى تطلعوا الرغوة
ديك الساع نعرفوه راه قرب ايوجد منين يصبح اللون متاعوا فحال هاكا
صافي نطفيو عليه خليوه حتى يبرد او صفيوه او ها الزيت الزنجلان واجدة
زيت زريعة الكتان
درهم كذلك زريعة الكتان نقيوها او نحمروها او نطحنوها او ندير معاها كاس زيت او نخليوها حتى تسخن عاد نزيد معاها كاس ماء او تبقى تطيب او حنا مستمرين فتحريك ساعة ساعة لانها تتشد الماء
المهم تبقى تطيب حتى تنشف من الماء او نصفيوها او ها زيت زريعة الكتان واجدة
ملحوظةْْ هاد الزيوت هدفهم هو ترطييييييب او تطويل او التقوية غنستعملوهم من وراء غسل الشعر شوية من كل وحدة او ندهنوا شعرنا او غتشوفا النتيجة مع الاستعمال كيف غتكون رائعة
يتبع
شامبوان
نكمل ليكم حبيباتي الان مع
الشامبو
ملحوظة الشامبوا من اختراعي او نتائجوا رائعة حتى فالتبييض انا تنغسل بيه يديا تيخليهم غزالين او نقيقيين او رطيييييبين
ههههههه
حقيقة هاد الشامبوغير بوحدوا غزال للشعر او تيخليه قوي او تيطولوا المهم تيخليه رائع واخا فيه شوية تلخدمة لكن يستاهل
اولا تنجيبوا حب الرشاد درهم كذلك تنديروه فالماء او نخليوه يغلي هو تيغلي او تيتنفخ نزيدوا فيه الماء المهم حتى يتنفخ مزيان او يبقى معاه الما
تانيا ناخدوه نضيفوا عليه او هو تيغلي ازير مطحون درهم كذلك او الزعتر القدر لي بغيتي او شوية تزيت العود نزليه من فوق العافية خليه يبرد او طحنيه فالمولينيكس منين يتطحن صفيه فشي صفاية رقيقة او داكشي لي تصفى منوا غليظ مترميهش انا نقولك من بعد شنوا تعملي بيه المهم خودي داكشي لي صفيتي رقيق او ضيفي ليه رابعة تصابون البلدي او رديه فوق البوطة عاود ثاني
خليه يتطلق او عاودي دوزيه فالمولينكس بعدها ديريه فقراعي تشامبوا لي ممكن تشريهم من الاماكن لي تيبيعوا الاشياء الطبية para
او شي قرعة خوات عندك
إوا ها الشمبوان متاعك واجد لكن منقولكش راه غزال او صحي بزاف هذا تيردوا غزال او حاولي تديريه او تخليه واحد الشوية فشعرك عاد غسليه او رغوة منقولكش او ممكن تستعملي ديميلور معاه انا تنغسل بيه او تندير الديميلور فالاخير او تيبقى شعري غزال او تنحس بيه قوي او غزال تبارك الله لي يكون عند كل حبيبة
هههههههههه
الان داكشي لي بقا لينا من تصفية متاع حب الرشاد تناخدوه او تنضيفوا ليه داكشي لي بقا لينا من التصفية متاع الزيوت او تنخلطوهم او نضيفوا ليهم زيت العود او نخليوهم كماسك لشعر غزال حتى هو او مفيد بزاف ممكن تخليوه فشعركم اليوم كامل راه نافع حتى هو بزاف
ممكن تستعمليه كل مرة قبل متغسلي شعرك
تنظن اني ساليت او تنتمنى انكم تلقاو شعر رائع مع هاد الوصفات او متقوليش ليا شعري ضعيف او خايب من بعد لاني مغنصدقكش
إوا بسلامة عليكم
وإلى اللقاء إن شاء الله