العماري: الشينوا مليار ونص ديال لبشر عندهوم حكومة ب18 وزير و حنا خصنا حكومة صغيرة لمواجهة المشاكل الكبرى

تساءل الامين العام لحزب الاصالة والمعاصرة، الياس العماري، من خلال تدوينة نشرها على حائطه الفيسبوكي، حول حاجة الحكومة الى 39 وزير ووزير منتدب وكاتب دولة، معتبرا ان المشكل يرجع الى البلاد وليس عدد الوزراء والكفاءات، وإنما الإرادة السياسية الفعلية لمواجهة المشاكل، والوضوح والشفافية في عمل المسؤولين.
وقال العماري، “اللي ناقصنا هو الإرادة والشجاعة في قول الحقيقة، وماشي الوعود والهدرة اللي شغلها الشاغل هو دغدغة العواطف وشخصنة الصراع والمواقف، متسائلا”هاد 6 شهور وزيادة اللي ضاعت على بلادنا، شكون اللي غيعوض هذا الضياع والخسارة على مستوى الإقتصاد والمالية العمومية وفرص التنمية؟ شحال من فرصة شغل ضيعات لبلاد، شحال من مشاريع غيتأخر الإنجاز ديالها بست شهور على الأقل، شحال ديال الخسائر اللي غيخلصها الشعب على الأموال اللي مسلفة من الداخل والخارج و بقات مبلوكيا كاع هاذ المدة؟”.
وتابع تدوينته، “مللي كنشوفو هاذ العدد ديال 39 كنقول واش المشاكل اللي عندنا بصح خاصها هاذ العدد، ومللي كنفكر فهاذ الشي، كنقول وكيفاش الصين اللي عندهوم مليار ونص ديال السكان عندهوم حكومة فيها غير 18 وزير، والأمور ماشيا مزيان، والنمو مرتفع والبلاد متقدمة؟ كيبان لي باللي المغرب خاصوا حكومة تكون صغيرة باش تواجه المشاكل الكبيرة”.
وختم تدوينته، “خاص حكومة صغيرة أعضاءها عندهم الإرادة ديال المواجهة الإيجابية، والقدرة على الجمع والتعبير على جميع المكونات داخل المؤسسات وخارجها”.