الفنان محمود سمير بين سؤال وجواب

دينا رمزى
هو فنان شاب ناجح يرى نفسة فنان شامل نقطة البداية مسلسل فارس بلا جواد ومنها الى الدنيا ريشة فى هوه ومن ثم الى مسلسل بفعل فاعل وامكان فى القلب قدم العديد والعديد من البرامج واخراج برامج ثقافية وفنية ودينية اخرها برنامج عجائب القلوب على تلفزيون البحرين الى ان وقع اختيار المخرج شريف عرفة علية ليكون احدى ابطال فيلم 18 يوم اهم افلام الثورة المصرية الى ان يدق باب الحظ ويكرام الفيلم فى مهرجان كان ثم مهرجان القاهرة الدولى ثم مهرجان الاسماعلية الدولى مما جعل الفيلم وثيقة شرف فى حياة محمود سمير الذى يعشق العمل الفنى ليسعد الحظ به ليكون فنان ومخرج ومونتير واعلامى فكان علينا ان نتعرف على حياته ونجرى معه هذا الحوار :
نقطة البداية بنسبة لك كانت ازاى
بدات زي كتير مبدؤ سعي واجتهاد شخصي بس الاجتهاد كان صعب شويه لإني مش خريج المعهد العالي للفنون المسرحيه يعني مش في قلب الاحداث فكان صعب جدا إقناع المخرجين كوجه جديد ومش خريج المعهد بالعمل معهم وكان دا من سن 18 سنه من قبل الدخول في الدراسه الجامعيه.
في وجة نظري ان اي نوع من انواع الفن لازم بكون اساسه وبدايته الموهبه ثم الدراسه ثم الممارسه واكتساب الخبره.
اية العمل اللى كان لى اثر هام فى حياتك وكان لة بصمة فى عملك
هو مش عمل بعينه .. يعني كل عمل كان ليه اثره عندي واعتقد عند الناس .. مثل مسلسل اماكن في القلب مع المخرج نادر جلال و فارس بلا جواد مع محمح صبحي و عمرو بن العاص مع نور الشريف و بفعل فاعل مع النجمه تيسير فهمي و فيلم 18 يوم مع الاستاذ شريف عرفه كل الاعمال دي (وغيرها) زي ماقلت خطوات لهدف كبير وحلم.
اية الشخصية المحببة لقلبك
شخصيه محمود في فيلم 18 يوم والذي كان رمز شباب ثورة 25 يناير يعني الكرامه الحريه الاراده
هل استفدت فنياً بالعمل مع المخرج شريف عرفة
التاكيد العمل مع مخرج بحجم الاستاذ شريف عرفه دي بمثابه وسام شرف
ما هو سبب اختيارك كاحدى ابطال فيلم 18 يوم
اما سبسب اختياره لي . كنت مرشح في فيلم اكس لارج للفنان احمد حلمي ولم اوفق في هذا ولكن يبدو ان الاستحسان شاب فريق العمل . فعند البدا في تحضيرات 18يوم تم ترشيحي مره اخرى . وقد كان
انت شايف نفسك فنان مهنى ولا هاوى
انا خريج اعلام يعني درست الاذاعه والاخراج وبعد التخرج مارست العمل في الحقل الاعلامي كمخرج برامج واعلانات وكليبات ومذيع وهذا طبعا الي جانب التمثيل
لكنك عملت مع العديد من الشيوخ فى مجال الاخراج ولك العديد من البرامج لهم ايضا لك برامج مع المعارضة منها برنامج عجائب القلوب الذى يعرض حاليا على قناة البحرين
لية فضلت الاعتصام مع الناس امام وزارة الثقافة وليست مع باقى الفنانين داخل مكتب الوزير
مهم اوي ان كل واحد يعرف هو هيكو مفيد اكتر فين بمعني ان في ناس من زمايلنا اعتصمو في مكتب وزاره الثقافه لانهم اكثر تاثيرا ميني يمكن عشان وضعهم مؤثر اكتر في النقابات الفنيه . بإختصار ( رحم الله إمرإ عرف قدر نفسه ) ممكن اكون مفيد اكتر في عمل او مكان تاني المهم النتيجه
لية محمود سمير دايما ً مش متواجد فى الامكان التى بها تجمع من الفنانين
انا كلمة التواجد دي بتجبلي حساسيه . اللي عاوز دايما يعلا ويمبر ويتقدم ميضيعش وقت 'مش معني كدا ان الواحد ينعزل بالعكس يحضر كل ماهو مهم .
عشان كدا الجيم للمحافظه علي الرياضه والمكتب عشان العمل والمذاكره للتطوير
اية الدور اللى تشوف نفسك احسن من اى حد فية
انا شايف اني عندي قدره اني اجسد ادوار مختلفه تماما عن بعضها واني اغير في شكلي للوصول للمصداقيه .
محمود سمير حث بالنجاح بتكريم فىلم 18 يوم عالمياً ودولياَ ومحالياَ
اكيد طبعا..الفيلم اتكرم في مهرجنات دوليه كتير وبعد حوالي سنتين ونصف يتكرم الفلم في بلده . طبعا لازم كل المشاركين فيه سعدوا بهذا الحدث.
هل تحب مهنة الفن
انا اعشق هذه الكلمه التي هي من حرفين (فن) لان كل الشعب الفنيه تندرج تحت عبائة الفن .
يعني كلمة فنان اعم واشمل واحلا.
يا ترى محمود بيحضر لى اية دلوقت
انا بحضر لمفاجأة بعد العيد مباشرة ان شاء الله لا نى الفترة الماضية كانت مشغول بتسجيل كلمة فى ذكرى شهداء رفح التى راح من جنودها الباسلة 17 جندى راحمهم الله
امنيات محمود سمير اية
اامل ان الفن يرجع زي الاول واحسن وهو دا المتوقع في الوقت الحالي ومش بس في الفن في كل المجالات