شذ شاب في مقتبل العمر انتباه الاف الفيسبوكيين المغاربة خلال الساعات الماضية، الذين تداولو قصته على نطاق واسع. وظهر الشاب المراكشي واسمه سالك الداهي ببدلة مطبخ سوداء كتب عليها شعار مشروعه الصغير '' مول القهوة'' بحروف لاتينية وهوويقف بجانب عربة صغيرة يعد من خلالها فناجين قهوة مزجت بكثير من الألم والأمل والحلم بغد أفضل. . واستأترث قصة الشاب المراكشي بإعجاب الاف المغاربة على موقع فيسبوك، خاصة بعدما كتب تدوينة مطولة يشرح فيها ملامح مشروعه الذي يمكن أن يشكل الهاما للكثير من العاطلين بالمدينة الحمراء وحواضر مغربية أخرى. وكيف أنه بدأه بمبلغ مالي صغير بسبب لعوز وكي يعيل عائلته.
وقال سالك في تدوينته الفيسبوكية المؤثرة التي تفاعل معها الالاف: ''اليوم الأول اليوم ليا فالمشروع الصغير والكبير فعينيا ، بديت بمقراش ومجمر فيدي ، كندور شوارع مراكش ، كنحضر ديك البركة القليلة باش ناكل ونصرف على راسي ، الفلوس لي كنربح كنحطهم فواحد الشكارة صغيرة خلاها ليا الواليد الله يرحمو لي خلا مكان كبير فحياتي خاوي ، المهم بديت كنبيع وصابر ومقاتل راكم عارفين المغرب صعيب تعيش فيه ، دازت أيام جاو عندي شي صحابي صورني واحد فيهم ، شفت الصورة مزيان قريت فيها المعاناة ديالي كتبت كلام من قلبي ولحتها كأي بوسط فالفايسبوك.
ويضيف الشاب في التدوينة ذاتها : كنفيق الغذ ليه كنلقا الصورة وصلات لعدد هائل من التفاعل مع داك الكلام ، شوية صورتي مع الكلام فاكبر الصفحات فالمغرب ، شوية لقاءات صحفية. سالك غيدير لقاء صحفي هادشي لي عمرني حلمت بيه ، جا بسبب صورة وكلام من القلب. وواصل سالك بتأثر : رسائل بزااف من عند ناس من مختلف المدن والدول كيدعموني ، تما عرفت ربي كيبغيني ديال بصح ، وأن هادي أول خطوة للمستقبل ان شاء الله ، وليت كنخرج بالمقراش كيتصورو معايا ناس ، كنت باغي نشارك هاد الفرحة مع اعز انسانة لي هي "مي " ولكن بعيدة عليا بزاف هي فمدينة وانا لاحني زمان فمدينة ، ماعليناش كملت خدمتي والطاقة تزادت ، تا جاتن فكرة نطور مشروعي ، و واعدت راسي أنني ناخد دراجة بتصميم للتجارة ، قلبت وكافحت وجمعت ومخليت ما درت ، خديت دراجة عونوني ناس مانساش خيرهم ، وحكروني ناس الله يسمح ليهم ، خديت برسية بزز ، درت بزاف فمدينة الدارالبيضاء باش نلقا البريسا علاش كنقلب ، وليت نريح فالقهوة ونطرح أسئلة على النادل باش نعرف كثر فهاد المجال.
المهم باش ما نطولش عليكم كي كتشوفو فالصورة خديت دراجة ودرت فيها اشهار للاسم ديالي ، او اللقب ، وكان هذا أول نهار فالعمل الجديد فمشروعي ، الناس فمراكش كتدعي معايا وكيشجعوني ناس بسياراتهم ونا غاذي بدراجتي ، وانا غاذي بيها اليوم طاحت الدمعة ، واو أول خطوة فداكشي لي كتبغي ، البكا والسهير وتمارة ، وكلام لي جرحني تغلبت عليه ، اكيد اخوتي كون كان بابا باقي عايش كان ايكون فخور بيا . وختم مول القهوة تدزونته بوصية للشباب ،#متخلاش على حلمك تقاتل ، ولطحتي نوض وكمل الهدف دابا نكمل المشروع ونتهلى فميمتي.
