يوميات معطل مغربي:الدراويش بلهجة الخرابيش

أنا سيمو
أنا غير درو يش...
باغي بحال الناس نعيش
أنا غير درو يش...باغي غير "صالير" ديال لبقشيش
ما باغي لا فيلات لا ممتلكات...لا حرير ولا نربي كانيش
أنا غير درويش...بغى مسكين غير شو ية ديال الريش
أنا غير درويش...تلف الزغبي وعافاكم متنساو نيش
و لي ربى مز يان الريش.... عندو ينساني و يقولي أنا ليك ممساليش
أنا غير درو يش... باغي بحال الناس نعيش
باغي غير ندير دو يرة... فيها نتخبى راح قتلني البرد و التهميش
باغي حتى أنا تكون حداي ولية..... وجوج دراري نسميهم عيشة ومشيش
أنا غير درو يش.... دكة ديال اتاي و تلفزة و وستوديو دوزيم و الفيش
حنايا هانيا آ لخوت... كلشي يشكي وحنا نقولوا طحان معليش
أنا غير درو يش... وخا هكداك تابعين فيا شي قماقم تر يكة الخفافيش
أنا غير درو يش.. طالب السلامة و ماقاد على محاكم التفتيش
أنا غير درويش...بكرامتوا إلى فايرتي معايا ليك منوليش
وخا قهرني الزمان مسكين مكرفس... عايش نشاط ، ضحك و توپ ديال التبرهيش
وفي الأخير سمحولي إلى طولت عليكم بهاد الأسطر والخرابيش
أنا غير درويش ...سخانلو راسو بزاف حتى سمع
شششششش راه بدا
التخرشيش
الصراحة كنت فالقهوة ودوختني النسمة ديال الجوانات والحشيش