ها جديد الوداد قبل الماتش الحاسم مع صن داونز.. المورال طالع وسط لكروب والفريق مركز على الرباح

يدخل الوداد الرياضي، اليوم الأربعاء، معسكر تدريبي مغلق استعدادا لمواجهة فريق ماميلودي صن داونز الجنوب إفريقي، السبت الجاي، بملعب المركب الرياضي محمد الخامس بالدار البيضاء، برسم ذهاب نصف نهائي عصبة أبطال إفريقيا.
وينتقل الوداد الرياضي اليوم الأربعاء من الدار البيضاء إلى مركز محمد السادس بالمعمورة، باش يبدا الاستعدادات ديالو لصن داونز، وهذا الشي تحت إشراف المدرب ديالو البلجيكي زفين فاندنبروك ومعه المساعد الجديد السنغالي موسى نداو اللي خذا بلاصة عبد الإله صابر.
صفوف الوداد الرياضي وحسب مصادر مطلعة، عرفت إصابة إسماعيل المترجي على مستوى "les adducteurs"، وبالتالي اللاعب صبح خارج لائحة الفريق اللي غتدخل المعسكر التدريبي بالمقابل غيكون أمين فرحان العائد من الإصابة إضافة لأرسن زولا اللي رجع يتدرب البارح مع لكروب.
الأجواء داخل الوداد الرياضي زوينة بزاف والمورال طالع عند اللاعبين والهدف ديارهم تحقيق نتيجة إيجابية هنا بالمغرب ضد صن داونز فماتش ذهاب دومي فينال عصبة أبطال إفريقيا، باش يسهلو عليهم ماتش الروتور بجنوب إفريقيا.