زينباور ختار لاليست باش لاعبين الرجاء ضد المغرب التطواني وها الغيابات

حدد الألماني جوزيف زينباور مدرب الرجاء الرياضي اللاعبين اللي غيشاركو فماتش الفريق ضد المغرب التطواني اليوم الاحد فستاد دونور برسم الدورة 6 من البطولة الاحترافية لكرة القدم.
واختار زينباور 20 لاعب فلاليست ديال الرجاء للماتش ضد المغرب التطواني، هما الكوال الزنيتي، وفخر، والمدافعين مقدم، عراسي، خفيفي، بدوي، سوبول، بولكسوت، بلعمري، وفوسط التيران كاين مكعازي، زريدة، مباريك، بوكرين، أهولو، دومينكو، والمهاجمين بوزوق، الزرهوني، زيلا، التفاتي، ناشط.
وبالنسبة لغيابات الرجاء الرياضي ضد المغرب التطواني، مكاينش زكرياء الوردي والمهدي موهوب اللي موعتين، وأحمدو كامارا باختيار تكتيكي من المدرب جوزيف زينباور، مع الإشارة أن الماتش غيبدا مع 8 ونص بين الخضرا والمغرب التطواني من عشية اليوم، والرجاويين باغيين يربحو باش يبقاو قراب من صدارة البطولة.