أسطولها غيوصل ل200 طيارة.. لارام محتاجة ل150 مضيفة ومضيف باش تخدهم. ها الشروط

طلقات شركة Atlas multiservices، التابعة للخطوط الجوية الملكية المغربية، مباريات لانتقاء عدد من مضيفات ومضيفي الطيارات البالغ عددهم فهاد المرحلة الأولى ل150 واحد، وذلك في إطار مشروع توسيع أسطول الخطوط الملكية المغربية.
وحسب الإعلان اللي خرجاتو الشركة، فإن المترشحين خاص تكون عندهوم الجنسية مغربية والعمر ديالهوم يكون ما بين 21 و27 عام، وكيعرفو مزيان الفرنسية والإنجليزية، وكيعرفو يعومو مزيان.
وعلمت "كود" أن لارام غادي تعلن خلال الأيام الجاية والأشهر الجاية على توظيف عدد كبير من المضيفين والمضيفات حقاش غادي تخدم على توسيع الأسطول ديالها من 50 طيارة ل200 طيارة والحاجيات ديال هادشي خاصو عدد كبير من العمال ومنهم العمال الخاصين داخل أطقم الطائرات.