وحتى الحركة منوضينها. اولباشا استاقل هادي سنين واليوم عاد كاليك استقلت حقاش وزرو الكروج وكون كنتي سياسي حقيقي كولها نهار اللي تعينت

دابا هاد الايام نايضة فحزب الحركة الشعبية اللي ما عمرها ناضت فيه. شي كيكول بغى يبقى كاتب عام للشبيبة الحركية وشي كيكول كاين تزوير وشي كيكول حركة تصحيحية وشي كيسب محاند العنصر وشي كيدافع عليه. حتى سعيد اولباشا اللي ما عاقلينش عليه الناس بزاف اصلا خرج.
فالاول كان العنصر كال بللي اولباشا اللي باغي يقود حركة تصحيحية قدم استقالتو من الحزب هادي ثلاث سنوات وهو يرد عليه "قدمت إستقالتي من هياكل حزب الحركة الشعبية وليس من الحزب ككل كما هو واضح في وثيقة الإستقالة التي تم تداولها على نطاق واسع". اولباشا كتب بيان وعوض يكون بضمير المتكلم يدافع عن نفسه دارو بضمير الغائب باش يبين اهميتو. قال فيه انه مناضل حركي.
لكن تبرير استقالته الغريب الذي تقدم به اولباشا هو قوله انها جاءت مباشرة بعد تعيين حكومة عبد الإله بنكيران، وتعتبر رد فعل جد طبيعي ومنطقي على استوزار عبد العظيم الكروج اللي ماشي حركي. السي اولباشا باش عين الملك هاد الوزير كنتي نتوض تحيح وتغوت هادا هو تسجيل موقف ماشي حتى قربات تسالي ولاية الحكومة عاد تحل ليك الفم