اساءة اخرى من الماجيدي لمحمد السادس: كيفاش واحد بحال الحموشي هاز راس المغرب والملك فالخاريج والماجيدي مشوهنا واسمو مقترن بالفضايح والاعلام العالمي دابا كلشي كيهدر على الملك ف"بنما بيبر"

كل وسائل الاعلام مهتمة بالزلزال الكبير الذي احدتثه تسريبات "بنما بيبر". كل وسائل الاعلام خاصة القريبة من المغرب كالفرنسية والاسبانية ….بثت لعشرات المرات تغطيات وظهرت صورة الملك محمد السادس رغم ان اسمه غير وارد بشكل مباشر مثل ما حدث مع 12 رئيس دولة منهم 5 من دول غربية. المغرب في اولى التسريبات حقاش مازال كاين كثير بزاف واكيد كاينين مغاربة، ظهر في الصنف الثاني من الشخصيات المورطة اي رجالات يعملون مع رؤساء الدول او الحكومات، فكان اسم الماجيدي من خلال شركة "اس ام دي سي" التي اقتنت بحوالي 40 مليار زورقا قديما اطلق عليه البوغاز ثم اقامة خاصة وسط العاصمة الفرنسية باريس. شركات اختارت "الجنة الضريبية" باش تبقى بعيدة عن الاعين.
فهاد القضية الماجيدي ارتكب اكثر من خطأ واخا كيفما سبق كلشي وكالها محاميه ومحامي القصر الناصري باللي كلشي كان قانوني، ولكن المشكل ماشي قانوني المشكل اخلاقي اكثر. الدليل ان لا قناة من القنوات الكثيرة جدا التي اظهرت صورة الملك مباشرة وربطته بهذه الفضيحة تناولت هذا الشق. الملك لا يمكنه ان يعرف اذا ما طلب شقة او زورقا تفاصيل الصفقة. فالماجيدي ائتمنه على هذا الامر وكان عليه ان يتجنب كل الشبهات.
خلال مقاضاته ل"كود" قال الماجيدي ان اعادة نشر ملخصا من مجلة "مغرب اليوم" اللي دارتو عليه سيشوه سمعته وصورته عند الملك. دابا واش كتضحك علينا، اش غادين نكولو دابا، اللي اسمك ظهر فقضية البطل زكريا المومني واللي خذات بعد اخر وصلات حتى ازمة غير مسبوقة مع فرنسا وقطيعة ودابا عاد الامور رجعات لسابق عهدها. الفضيحة كانت فالحسابات البنكية فسويسرا "سويس ليكس" اللي بان فيها حساب باسم الماجيدي وكلشي العالم هدر عليها.
يعني فالسنوات الاخيرة او الاشهر الاخيرة فين ما تكون شي فضيحة كتمس الملك كاينة احتمال كبير تكون جاية من عندك.
مقابل هذه الفضيحة الكبيرة واخا ظلو تميكو عليها، كاين شخص محمر وجه المغرب. بغظ النظر على تقييم كل واحد ومجال اهتمامو ولكن بالفعل عطى للمغرب صيت هاد الايام، اللي هو عبد اللطيف الحموشي، المدير العام للامن الوطني وباطرون المخابرات المدنية. منذ تفجيرات باريس والمغرب يسجل الاهداف بملعب اوربا بباريس وبمدريد وببروكسيل…. شوفو وقارنو. الاعلام كيفاش هدر على المغرب بعد تفجيرات باريس الارهابية ل13 نونبر 2015 وكيفاش الحموشي واجهزته اول من اخبر الفرنسيين باللي اباعوض موجود فاوربا ماشي فسوريا كيف كانوا يعتقدو. ثم كان استقبال هولاند لمحمد السادس وكبر وبيه وكالها الاليزي فبيان رسمي "المساعدة الفعالة او الناجعة" للمغرب، ثم طلبت بلجيكا دعم المغرب ومساعدته في الارهاب الذي يتهددها واثنت اسبانيا كثيرا على دعم الحموشي ووشحته ثم وشحت اخيرا وزير الداخلية اللي غير داز فوجهو وصافي وتشارك فرقة تابعة ل"اف بي اي" حاليا في التحقيقات بخصوص الهجوم الارهابي الذي ضرب الكوت ديفوار اخيرا. كما اشادت امريكا ودول اوربية لدعم المغرب في القضاء على الارهاب. يمكن الجزم انه بفضل هذا الموضوع قد يتفادى المغرب ضربة موجعة في مجلس الامن بخصوص قضية الصحراء. اي ان عمل المخابرات المغربية ساعد في ان تكون للرباط الجرأة في مواجهة بان كي مون الامين العام الاممي اخيرا. ورقة احسن المغرب لعبها. دابا هاد الشي بفضل الحموشي وشوفو كيفاش واحد بحال الماجيدي كيدك الي كيحرثو الاول.
الملك ليس بحاجة الى امثال الماجيدي. انه يسيء اليه والى المغرب انه بحاجة الى الحموشي اللي محمر ليه وجهو اقليميا وخلى المغرب يتزكل من عمليات ارهابية كثيرة كانت جاهزة