هادي ما شاداها وبيناتك ضعيف السي بوانو. كاليك تصريحات الياس العماري اللي كال فيها ما متفقش مع الحكم الذاتي اتهام مباشر لجلالة الملك" واجي نوريك صحراويين كالوها قبل علنا وها تبريرهم

الحرب شاعلة بين البام وبين العدالة والتنمية. هاداك الشي كبير وغادي يكبر بزاف. البام باغي يجي الاول فالانتخابات. كالها الياس العماري الامين العام للحزب. ها علاش الضرب والدق بدا بكري.
مزيان هاد الصداع ولمضاربة فالحقل السياسي. مزيان الدق والضرب والحرج طبعا بالكلام ماشي بالليدين ولكن خاص يضربو بالعامر ماشي بالخاوي. المشكلة ان البعض من البام او من البي جي دي كيضرب احيانا بالخاوي.
الياس العماري الامين العام لحزب الاصالة والمعاصرة حضر لمؤسسة عبد الرحيم بوعبيد حول الصحراء وقال باللي انه ضد مشروع الحكم الذاتي اللي كان قدمو المغرب هادي شي عشر سنين وكلشي طبل ليه. مشروع دارو المغرب باش يحرك الملف وهاد الشي اللي وقع. موقف سياسي عادي. لكن المشكلة هو الرد ديال العدالة والتنمية اللي كال رئيس فريقها فمجلس النواب عبد الله بوانو امس الثلاثاء في لقاء فريقه بالبرلمان، إن "تصريحات الياس العماري حول الحكم الذاتي اتهام مباشر لجلالة الملك ومس بالتزامات المغرب مع اصدقائه الدوليين، وأضاف"ماذا يريد بهذه التصريحات وفي هذا التوقيت بالذات هل يريد أن يحل الملف بطريقة اكديم ايزيك، وما علاقة هذه التصريحات بزياراته المتتالية لعدد من المناطق التي تعرف مشاكل الانفصال".
هادي ضعيفة بزاف. اولا لانه ماشي الياس العماري اول من قال بذلك اخرها الشيخ اعمر احد اعيان الداخلة ومنتخب وبرلماني سابق. قالها في منتدى كرانس مونتانا بالداخلة في دورته الاخيرة٬ هاداك مشى بعيد وحذر من استنساخ التجربة الكاتالانية اي الحكم الذاتي لان ذلك يؤدي ذلك الى الانفصال. اصوات اخرى لها مكانتها في المجتمع الصحراوي عبرت عن نفس الموقف.
لا يعني ان المشروع الذي اشرف عليه الملك او مشروعه هو لا يمكن انتقاده او الاختلاف معه يا سيدي بوانو