زعيم الحزب الليبرالي زيان ل"كود": الانتخابات في المغرب فيها اما استغلال الدين أو استغلال المال لكسب المقاعد، ورآه مكاين لا حوار ولا ديمقراطية، وحنا لا نشارك فالانتخابات

قال محمد زيان، منسق الحزب الليبرالي المغربي، في تصريح خَص به "كود"، "نحن لا نقاطع الانتخابات، ولكن لا نشارك في انتخابات تستغل فيه بعض الأحزاب الدين، والأخرى المال"، مضيفا "خصنا حوار، ديمقراطية ومساواة، راه مكاينش الحوار حتى في البرامج التلفزية لي مكتعطيناش فرصة ناقشو سياسات الحكومة والوضع السياسي فالبلاد".
زيان وجه مدفعيته للكل، انتقد البام والبيجيدي بشدة، وقال "كلشي كايخدم باش يكون قطبين سياسين فالمغرب، واحد كايكتكلم على نظاظر رايبين ودجين باش يتصاحبو الدراري والبنات واحد اخور بغا يشرع فالبلاد الحلال والحرام، راه هذا نقاش سياسي ماشي فالمحتوى، وشنو المصير د المغرب فهادشي"، موضحا " عطيونا فرصة نعبرو فالتلفيزيون، مفهمتش واش نلعبو بفلوس الشعب، ورآه ناس فالانتخابات كاتحط فلوس مثيرة منين كايجيبوهم ، كايسرقهم؟ ".
وعن سيناريوهات الانتخابات المقبلة قال زيان " اما الياس اما بنكيران، ولا غاذي يجمعوهم بجوج في حكومة واحدة"، مشيرا الى أنه واخا يديرو قطبين خصهم يفتحو حوار ويعطيونا الوقت ناقشو.
زيان لي متمسك بالافكار الليبرالية، قال ل كود " نحن ننتمي للفكر الليبرالي لي عندو سقف عالمي، وحنا حزب غير موجود وميكروسكوبي مادام لم تطبق الديمقراطي فلا مانع نبقاو حزب غير موجود"، والحكومة خدمات حقها فالانتقاد بدأ بوزارة البيئة ديال الحيطي متسائلا " واش زبل العياطة، معرفناش واش مضر ولا لا والحكومة مدارتش مناظرة مفهمتش علاش مقدروش يخرجوا نتائج التحقيق".