واش باسم الصحرا خاص تنظم كرانس مونتانا بلا ما يديرو طلب عروض. ديما نفس الوجوه كتستافد من هاد المارشي

قال بيان لمنتدى "كرانس مونتانا" حول افريقيا والتعاون جنوب جنوب اللي غادي يدار فالداخلة من 16 الى 21 مارس ان محور هذه الدورة غادي يكون "الأمن الغذائي والفلاحة المستدامة".
البيان قال باللي غادي يشارك ازيد من الف مشارك في مواضيع "الصحة العمومية، والطاقات المتجددة، وتدبير الموارد الطبيعية، والصناعات البحرية، ودور الشباب والنساء".
من غير هاد الشي كاين السؤال المهم واش باسم قضية يعتبرها المغاربة "قضيتهم الاولى" غادي يتم منح هاد المارشي المهم لناس بلا طلبات عروض بلا والو. هاد ثلث سنين ونفس الشركات نفس لوجوه نفس الناس كتربح الصفقات اللي دولة حاطة فيها فليسات. لو نظمت فقط من قبل السويسريين كنا نقولو ما سوقناش ومادام هاد الشي داخلة فيه الدولة ومزيان حقاش كيربح منو المغرب٬ خاص تكون منافسة فهاد المارشي. شركات كثيرة خاصها تتنافس على التواصل على العلاقات مع الصحافة على ليفيمونسيال على الايواء على النقل على على على على …… هاد الشي خاصو يسالي. نفس الوجوه كيتسافدو على ظهر "الصحرا" وقليل منهم ولد المنطقة وهادي مشكلة اخرى.
يمتى تسالي هاد البسالة. راه بالشفافية بالوضوح يمكن للوحدويين يربح الفكر الانفصالي. ماشي تعطي مارشي لحد ما كيديروش وكيعذبو اجهزة اخرى فالدولة باش دير نفس الخدمة ولخلاص يمشي لهاد الشركات اللي فالرباط واكادير والبيضاء
كرانس مونتانا٬ الداخلة٬ المغرب