ها كاتب الدولة النكرة فردوس اش دار باش وصل. بدا يطلب الماكلة وكان معول على وزارة الصناعة والتجارة تخلص وها كيفاش تصدم

عثمان فردوس اللي ما كيعرفوهش هو كاتب دولة لدى وزير الصناعة والتجارة والاستثمار والتكنلوجيات الحديثة مكلفا بالاستثمار. طبعا هاد الوزير الاصغر سنا ما عمرو قرب للاستثمار. هادا حكر على رئيسو الوزير مولاي حفيظ العلمي. السيد ما فيدوش. دخل للحكومة باسم حزب الاتحاد الدستوري اللي اعتاقدو الناس سالى ولكن عطاه حزب التجمع الوطني للاحرار السيروم ورجعو للحديث.
هاد فردوس اللي خدم ف”مينا ميديا” اللي كانت ديال فؤاد عالي الهمة قبل ما يتخلص منها٬ نهار وصل للوزارة مول “الموتور” كيف كان كيسميوه قبل٬ بدا يطلب الماكلة من المطاعم المعروفة يجيبوها ليه للمكتب. رسل الفاكتورة للطيفة الشهابي اللي كانت ديك الوقت كاتبة العامة للوزارة. طبعا بعد الاستشارة مع الوزير رجعات ليه الفاكتورات يخلصهم بحال كيف كيخلص لوزير فاكتورات ماكلتو من فلوسو.
ومن غير ما فيدوش باغي ياكل على حساب الدولة. ووجه عندو.
اللي اكيد انو ما غاديش يبقى فهاد البوسط. غادي يجي فيه تران الخطاب الملكي. طبعا ماشي غير بوحدو.