بعد اعتقال الرابور الگناوي.. محامي ل”كود”: الى كان الزعر وولد الگرية مبحوث عليهم غادي نقلبو على صيغة باش يتقدمو للأمن

علمت “كود” من مصدر مطلع أن الوزاني الشاهدي، محامي بهيئة فاس، يبحث عن صيغة “قانونية” لتقديم الثنائي لي شاركو في إنتاج أغنية الراب “عاش الشعب”، مع الكناوي المتابع في حالة اعتقال بتهمتي “سب موظفين وإهانة هيئة منظمة”، (لتقديمهم) إلى تأكد أنهم من المبحوثين.
وقال الوزاني ل”كود” إنه :”يبحث رفقة محامي عن صيغة باش يسلمو هاد الجوج ريوسهم للأمن الى تبين أنهم مبحوث عنهم، ويدافع عليهم”.
الرابور الگناوي واحد من المغنيين ديال "عاش الشعب" اللي محيحة فاليوتوب تقرر متابعتو فحالة اعتقال. ودابا راه فحبس العرجات ضواحي الرباط وقد حددت اولى جلسات محاكمتو يوم 14 نونبر الجاري.
دابا الامن كيقول باللي كانت مذكرات بحث عليه فقضايا اخرى، وان هاد الشي ما عندو علاقة بالاغنية.
جريدة “الأحداث المغربية” كتبت مقالا في صفحتها الرئيسية، ديال عدد يوم أمس، بعنوان "عاش الشعب..عاش الملك..عاش المغرب.. وماتت الرداء"، وطالبت بالتسامح معهم.
ودبا مزال ممعروفش واش الزعر وولد الگرية مبحوث عليهم ولا لا.