بدموع.. خت الرابور لي تحكم عليه ب4 سنين دالحبس فالعيون كتعاود “لگود” معاناة العائلة: تصدمنا بالحكم ونتمناو عفو ملكي -فيديو

أخت الشاب الرابور (ح.س) إبن مدينة المرسى غرب العيون، وصاحب أغنية “ستالين سمفونية الحق” تروي “لگود”، معاناة العائلة والواليد ديالو بالخصوص، لي تصدم من اعتقال إبنه والحكم عليه بأربع سنوات ودخل فأزمة نفسية صعيبة.
الشابة لي كانت كتحكي بحرقة والدموع فعينيها معاناة خوها فالحبس، قالت بأنو خلى واحد الأثر نفسي كبير فالواليد ديالو لي دخل فحالة من اليأس والصدمة، لأنو ماكانش كيتوقع هاد شي يوقع، وهدرات كذلك على حمزة اللي كان نشيط وكيبغي المسرح والفن، ولكن بعد وفاة الواليدة ديالنا كان التأثر باين عليه بزاف وبان داكشي فالأغنية.
أخت رابور العيون اللي تحكم عليه بسباب أغنية: كنطلبو من الملك يعفو على خويا
Publiée par GOUD sur Jeudi 9 janvier 2020
عائلة الشاب فكلامها “لگود”، كتتمنى عفو ملكي على ولدها، لي مزال صغير وغادي اضيع ليه أربع سنين ديال لقراية والمستقبل، والسجن لي فيه يمكن يخسر حياتو..
يذكر بأن الشاب حمزة كيقرى فالثانية باكالوريا، وهو إبن متقاعد في القوات المسلحة الملكية، وكان أدين بأربع سنوات سجنا نافذة بعد اعتقاله بسبب الأغنية لي صدرها ولاحها فقانتو فاليوتوب.