الرجا احتج على جيد وكيطالب الجامعة بفتح تحقيق فالاعتداء الجسماني على بنحليب

فريق الرجاء البيضاوي بعث رسالة احتجاجية للجامعة الملكية المغربية لكرة القدم، بسبب ما اعتبره مهزلة تحكيمية، اللي عرفها الماتش ديالو مع نهضة بركان البارح الاحد، برسم الدورة 13 من منافسات البطولة.
وجاء في رسالة الرجاء البيضاوي، أنه على إثر الاعتداء الجسماني والأخلاقي في حق محمود بنحليب، وتسبب ليه في تمزق في أربطة الركبة وكسر في الغضروف، قرر بعث رسالة احتجاجية الى الجامعة مقرونة بطلب فتح تحقيق في إصابة اللاعب والمهزلة التحكيمية اللي عرفها الماتش، اللي شهد تعرض بنحليب لإصابة خطيرة غادي تبعدو عن الملاعب لمدة 4 أشهر.
وندد الرجاء في رسالته بالمستوى التحكيمي في هاد الماتش، اللي عرف تدخلات عنيفة من قبل لاعبي نهضة بركان، حسب الرسالة.
وكشفت مصادر مطلعة أن الرجاء عزز الاحتجاج ديالو بفيديو كيتضمن الأخطاء التي ارتكبها العربي الناجي ضد لاعبي الفريق الأخضر مقابل تساهل الحكم جيد مع اللعابة ديال بركان.