ديزي دروس: عالم الشهرة أثر عليا سلبا.. والواليد ديالي خدم 40 عام ومازال عندو موطور 103 وأنا حاقد على كيفاش بعض الناس كيسيرو المغرب -فيديو

الرابور عمر السهيلي المعرول باسم “ديزي دروس” كشف على جانب من حياتو الشخصية في برنماج “فاص آ فاص” في قناة “شذى تيفي” وقال أن عالم الشهرة أثر على حياتو وحرمو من الحرية وطريقة عيش حياتو كيفما هو باغي بلاما يبقى محضي والناس عارفينو.
وقال “ميستر كازا فونيا” أن ماشي كاع لي كيضربو تمارة كيوصلو لداكشي لي باغين ولي كيطمحو ليه وعطى المثال بالأب ديالو، وقال: “الوليد ديالي 40 عام وهو خدام كيهز الكراطن وخدام في الحبوس وسط الكتوبة كيخرج من 8 ديال الصباح ل8 ديال الليل لكن طوموبيل هي لخرة مادارهاش باقي كيمشي ويجي على موطور 103. كاين ناس كيضربو تمارة لكن ماكيوصلوش. ومايمكنش تقولو لي أن الواليد ماضربش تمارة”.
وكشف “عزي عندو ستيلو” أنه ماكاينش شي مغربي محاقدش، وقال: “بلادنا زوينة فيها كلشي. أنا ماحاقدش على الوطن لي هو المغرب. را بلادنا وكتجري لينا فالدم. حاقدين على الطريقة كيفاش كيسيروها الناس لي شادين البلايص”.