فضيحة ابو زعيتر اللي هجم على مستعجلات ابن سينا وسب الاطباء وصلات للبرلمان.. نواب كيطالبو بحماية الأطر الطبية والوزارة تفتح تحقيق

فجرت النائبة البرلمانية حنان رحاب، أمام وزير الصحة خالد ايت الطالب، فضيحة الهجوم لي دارو ابو زعيتر على مستشفى ابن سينا بالرباط.
وطالب بعض النواب البرلمانيين، كيف عاينات “كود”٬ خلال مناقشة موضوع ” تداعيات انتشار وباء كورونا” في لجنة القطاعات الانتاجية بمجلس النواب صباح اليوم، بضرورة حماية الاطقم الطبية في المغرب، الذين يتواصلون مع المواطنين والمرضى.
وقالت رحاب :”طاقم مغربي تعرض لاهانة قبل ايام بلا متفتح وزارة الصحة تحقيق ولا دير بلاغ”، في اشارة الى ابوزعيتر.
وتعرض طاقم طبي بمستشفى ابن سينا قبل ايام الى اهانة من قبل ابو زعيتر اللي حرك الدولة كاملة باش يلقاوه ليه قبل ايام، الكلب ديالو.
وحسب فيديو نشراتو “شوف تيفي”، فإن ابوزعيتر مشى لمستعجلات المستشفى الجامعي بن سينا بالرباط هاد السيمانا ودخل وحيح. فالفيديو ديال المستعجلات كيبان لينا هاد البوكسور كيدور بحال ايلى كيدور شي مسؤول واتاهم الاطباء بالرشوة وقال ليهم كيدير جولة.