علاش ما نقاطعوش بوريطة وانشطة وزارتو. سمعو يا الصحافيين يا البرلمانيين وزير الخارجية كيقول ليكم ما نسوقش ليكم غادي نمشي نهدر مع مؤثر والاعلام العمومي يجي غير يطبل لي الوقت اللي بغيت ومؤسسة البرلمان

شي متخلفة اسمها حفصة مكلفة بوسائل التواصل الاجتماعي فوزارة الخارجية والتعاون مع الوزير اللي كيحتاقر لعيالات والصحافة المغربية وزيد عليهم البرلمان وغادي نقول ليكم علاش؟ هادو قررو ان اول خرجة رسمية بوجه مكشوف لوزارة الخارجية والتعاون تكون مع شي مؤثر اسمو سوينگا على الانستغرام. اييه شوهة واهانة للصحافة. اهانة للبرلمان اللي طلب وزير الخارجية ومازال ما جاش لهاد المؤسسة.
هاد حفصة تقدر تكون عندها قدر كبير من الغباء ولكن ناصر بوريطة يمشي معاها هادي فضيحة.
دابا بوريطة كيقول للاعلام العمومي اللي ديما فين ما تكون شي حاجة رسمية كيعيط ليهم والداخل ديالو كيقول: انا ما عاقلش عليكم. هاد المؤثر اللي ما خلى مع من خدا مارشيات وبغاه يترفح. خدام مع وزارت المالية والتعليم.. كيتخلص.
هان البرلمان اللي لجنة الخارجية والدفاع الوطني والشؤون الاسلامية والمغاربة المقيمين في الخارج ما دايرة اجتماعها الا نهار الاربعا 15 ابريل. اي بعد يومين من دوز الخارجية عن المؤثر
دابا علاش ما نقاطعوش كلنا بوريطة ووزارتو ونقاطعو جميع انشطتو. كاعلام عمومي وخاص واذاعات كلنا نقاطعو هاد بوريطة. نخليوه مع المؤثرين والمؤثرات.
دابا واش غاديين تقبلو الذل ولا اللا. هادا راه ماشي ذل راه اهانة كبيرة لقطاع كيغامر دابا. كيخسر لفلوس وكيخلص الصحافيين وكيدير خدمة واعرة وكيخلي مسؤول حكومي ما كيتسوق حتى حد ويهين كلشي
غادي ضد خطاب رئيس الدولة خطاب الدولة