مختبر البيوتكنولوجيا فكلية الطب فالرباط فكك شفرة كورونا.. والإبراهيمي مدير المختبر: الفيروس عندو خصائص ثابتة وهذشي كيسهل إيجاد فاكسان ليه – فيديو

استاطع مختبر البيوتكنولوجيا الطبية بكلية الطب والصيدلة بالرباط يفكك شفرة فيروس كورونا المستجد فالمغرب، وتحليل خصوصياتها.
هذشي جا فإطار المشروع الوطني "جينوم" اللي دارو المختبر، وكيضم مجموعة من الباحثين، كيف علن عليه عز الدين الإبراهيمي مدير المختبر البيوتكنولوجيا الطبية بكلية الطب والصيدلة بالرباط.
وقال الإبراهيمي، فتصريح للقناة الأولى، بللي الفيروس "عندو خصائص ثابتة، وهذشي كيسهل إيجاد فاكسان مضاد ليه".
وأكد الإبراهيمي بللي واخا المختبر اشتغل على الجينوم المغربي بالأساس، لكن تجارب مماثلة همات مشروع آخر كيتعلق بتحليل جينومات 58 بلد، ودارو مقارنة ديال تطور الفيروس فالزمان والمكان، باش يستنتجو فالأخير ان تطور الفيروس مكايختلفش بشكل كبير من بلد لآخر، وهذشي اللي كيعطي أمل في إيجاد لقاح مشترك.
وطبعا، عكس ماتم تداوله، هادشي ماعندو علاقة بتطوير لقاح مغربي، ولا انهم كيحاولو يلقاوه، ولا كيف قالو البعض لقاوه كاع.