بدات الجزائر تحرك بيادقها قبل ما يوصل بايدن للبيت الابيض. سيناتور ميريكاني فمجلس الشيوخ: احتجاجات لكركرات سلمية وكندافع عليها والمغرب كينهب خيرات الصحرا باش يدفعها لجماعا الضغط لشيطنة الصحراويين

قضية الكركرات دخلات لمجلس الشيوح الامريكي. دخلها سيناتور امريكي ديموقراطي عن اوكلاهوما البارح. الامر يتعلق بدجين انووف. هاد المقرب من الجزائر للي سبق زار اكثر من مرة مخيمات تندوف اعتبر ما يقع فالكركرات عمل مهم للغاية وباللي المغرب "اختار تهديد احتجاجات الصحراويين على ارضهم".
اش من ارض. غير هاد السيناتور اللي كيقولها. هي منطقة عازلة ماشي اراضي محررة كيف كتروج ليها البوليساريو وابواقها بحال هاد السيناتور.
هاد السيناتور ذكر فمداخلتو اللي دارها بصور من الاحتجاجات بتاريخ الاحتجاج من وجهة نظرو اللي كطابق وجهة نظر الجزائر والبوليساريو٬ وقال خاص امريكا دير شي حاجة.
اعتبر المغرب مستعمر والبوليساريو دولة مستقلة وباللي المغرب "حافظ المغرب على مطالبته غير القانونية بالصحراء الغربية ، وبعد إنهاء الاستعمار ، حاول ضم الإقليم بالقوة"
بعد مداخلة فيها 16 دقيقة فدولة مازال ما اعترفش ترامب باللي خسر الانتخابات الرئاسية تحركات الجزائر لاثارة الملف باش يكون واجد بعد تسلم الديموقراطي بايدن الحكم٫ قال باللي المغرب "كينهب ويسرق" خيرات الشعب الصحراوي من فوسفاط وصيد" وباللي الرباط٬ كيخلص بهاد الثروات "ملايين الدولارات كل عام لجماعات الضغط في واشنطن. هدفهم؟ لإقناع العالم بأنهم أبرياء وشيطنة الشعب الصحراوي"
وشدد على ان احتجاج الكركرات "سلمية في منطقة الكركرات" وانه "بدلاً من الاعتراف بحقهم في الاحتجاج ، أثار المغرب مرة أخرى دعوة لحمل السلاح ويهدد بسحق هذه الاحتجاجات المشروعة" وان الرباط "يحاول استخدام قضية الكركرات بشكل غير قانوني لفترة طويلة"
وختم بانه يتعين التحرك ضد المغرب اللي كيدفع لجماعات الضغط : JPC Strategies و Thirdcircle و Neale Creek – بمتوسط يزيد عن مليون دولار كل عام.