المغرب حطم الرقم القياسي فالموت اليوم بكورونا.. 92 ماتو ف24 ساعة 4706 تقاسو و4220 تعافاو.. و1047 حالتهم خطيرة

اليوم حطمنا الرقم القياسي فالوفيات الجداد بفيروس كورونا، ولأول مرة كنفوتو سقف 90 وفاة، بحيث ماتو 92 غير ف24 ساعة، ووصل الإجمالي ل5182 ميت بكورونا، بنسبة فتك ديلل 1,6 فالمية.
كذلك علنات وزارة الصحة، فنشرتها دكورونا، اليوم الجمعة، على إصابة 4706 واحد، وهكذا وصل الإجمالي ديال الحالات ل316260، ووصل مؤشر الإصابة التراكمي ل871 لكل 100 ألف نسمة، بمعدل 13 لكل 100 ألف نسمة فهذ 24 ساعة.
فالمقابل تشافاو اليوم 4220، ووصل الإجمالي ل262212، بنسبة تعافي ديال 82,9 فالمية.
ووصل عدد الحالات النشيطة ل48866، منهم 1047 فالإنعاش.
ومن الحالات الحرجة، 67 تدهورات حالتهم غير هذ النهار، و102 تحت التنفس الاصطناعي الاختراقي، أما أسرة الإنعاش فوصلات نسبة الملء ديالها ل38 فالمية.
واليوم تستبعدات 15484 حالة، ووصل مجموع الحالات السلبية ل3437464.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي والأسبوعي:
وهذو الوفيات الأسبوعية:
A municipal worker wearing a protective suit sprays disinfectant solution in a grave before the burial of a woman who died due to coronavirus disease (COVID-19), in Ahmedabad, India, March 28, 2020. REUTERS/Amit Dave TPX IMAGES OF THE DAY