بعد القرار الشجاع ديال سيدنا بالتطبيع الرسمي بين الرباط وتل أبيب: انهيار كبير وسط البيجيدي.. وبنعرفة مع نائبو العمراني فالمقر المركزي والموقع الالكتروني "البي جي دي. ما" "حجب" بلاغ الديوان الملكي

روينة وسط أعضاء الأمانة العامة لحزب العدالة والتنمية لي كيترأس الحكومة، بعد البلاغ الأخير الصادر عن الديوان الملكي.
اعضاء ف أمانة البي جي دي سرطو لسانهم، مقدروش علقو، شي وحدين ف شبيبة البي جي دي كتبو بلي رافضين التطبيع لكن الاغلبية سكتو ومنهم وزيرهم امكراز.
دبا العثماني الأمين العام لحزب العدالة والتنمية ونائبه سليمان العمراني متواجدين حاليا فالمقر المركزي للحزب، كولشي ترون، خصوصا هوما لي ديما كيقولو نرفض التطبيع وميمكنش المملكة دير التطبيع، وشحال من مرة هضر العثماني باسم الملك وقالي بلي ميمكنش الدولة دير التطبيع، دبا خصو يستقل او يعتذر.
العثماني راه دبا تالف. واش قدم استقالتو من منصب رئاسة الحكومة .. تا حاجة مزال مواضحاش.
الموقع الالكتروني ديال البي جي دي مزال محطش بلاغ الديوان الملكي، عكس مكان كيدير قبل.
بلاغ الديوان الملكي اليوم فيه بلي المغرب طبع رسميا مع اسرائيل بسفارات متبادلة ورحلات مباشرة بين تل ابيب وكازا قريبا والتعاون العلمي التقني.