نيويورك تايمز: المستثمر المغربي "ياريف الباز" لعب دور الوساطة باش مريكان تعتارف بمغربية الصحرا و إدارة ترامب مستعدة تستثمر 3 مليار دولار فبلادنا

جريدة نيويورك تايمز المريكانية، كشفات فمقال نشراتو لبارح الخميس، ان مستثمر مغربي سميتو ياريف الباز لعب دور الوساطة بين المغرب وامريكا، باش تعتارف هاد الاخيرة بسيادة المغرب على الصحراء، بشرط يقاد المغرب علاقاتو مع إسرائيل .
وكتبات نيورك تايمز ان الصفقة دارت بمساعدة ياريف الباز ، اللي عندو البيزنيس ديالو في إسرائيل (وحتى فدول اخرى بحال الگابون)، والوساطة بدات فعام 2017.
وأضافت نيويورك تايمز: "غير هو الملك محمد السادس كان متردد بزاف حيت مابغاش يعرض مكانتو فالعالم العربي للخطر، بحسب مسؤولين مغربيين ماقالوش شكون هما".
وحسب نفس الجريدة الباز قال للحكومة المغربية ان ادارة ترامب مستعدة تستثمر 3 مليار دولار، الاغلبية منها غاتخصص للبنكات المغربية والاوطيلات والطاقة المتجددة.
واضافت الجريدة الامريكية ان مسؤول كبير فإدارة ترامب اكد لبارح الخميس أن مكتب التطوير كيدرس استثمارات تقدر توصل ل3 مليار دولار فالمغرب غادي تمتد على 3 سنين، وقال انها مامرتابطاش بالتطبيع مع اسرائيل.
المقال الاصلي:
https://www.nytimes.com/2020/12/10/world/middleeast/israel-morocco-trump.html